Bli kjend med skolen
Etter skolestart inviterer skolane til foreldremøte. Der får du møte tilsette, bli kjent med skolehverdagen og få informasjon om korleis du kan bidra. Skolen vel også foreldrerepresentantar til skoleutvalet.
Samarbeid mellom skole og heim
Skolen har plikt til å samarbeide med føresette, jf. opplæringslova § 10-3. Korleis samarbeidet skjer, får du meir informasjon om frå den skolen eleven din skal gå på.
Ungdommen din skal ha det trygt og godt på skolen
Alle elevar skal ha eit trygt og godt skolemiljø. Har ungdommen din opplevd utfordringar tidlegare, er det viktig at skolen får vite om dette så tidleg som mogleg.
Er det noko som påverkar trivselen – enten på eller utanfor skolen – vil vi gjerne vite om det. Då kan vi gi betre støtte og bidra til ein trygg skolekvardag.
Du kan melde frå
- til ein tilsett på skolen
- digitalt til skolen
- direkte til fylkeskommunen - dersom det gjeld ein i skoleleiinga
- til statsforvaltaren - viss du opplever å ikkje bli høyrt
Les meir om varsling
Elev- og lærlingombodet
Ombodet ivaretek rettane til elevar og lærlingar, og er eit gratis og uavhengig tilbod. Du som forelder kan også ta kontakt for råd og støtte.
Les meir om elev- og lærlingombodet i Møre og Romsdal
Trygg og inkluderande avgangsmarkering og russetid
Mange ungdommar startar tidleg å planlegge russetida. Vi oppfordrar foreldre til å vere tydelege vaksne og støtte opp om ei trygg og inkluderande feiring.
Les meir om avgangsmarkering og russetid
Følg med i InSchool
I InSchool finn du timeplanar, fråvær og vurderingar. Du får informasjon frå skolen om korleis du som forelder kan bruke systemet. Når eleven har fått skoleplass, kan du logge inn via skolen si nettside.
Les meir om InSchool
Viktig informasjon kjem digitalt
Skolen sender viktig informasjon til elevar via digital postkasse. Vi oppmodar alle elevar til å opprette digital postkasse – og du som forelder kan minne dei på det.
Slik opprettar ein digital postkasse
Du er viktig - ta del i skolekvardagen!
Vis ungdommen din at du bryr deg:
- Still spørsmål og ver nysgjerrig
- Samarbeid med kontaktlærar
- Støtt gode vanar: søvn, kosthald og rutinar
- Følg med på kva som skjer, både på og utanfor skolen
- Bruk skolen si nettside og hald deg oppdatert
Vi ser fram til eit godt samarbeid og ønsker ungdommen din lykke til i vidaregåande opplæringa!
Venleg helsing
Erik Brekken
Kompetanse- og næringsdirektør