Avgangsmarkering og russetidAvslutninga av vidaregåande opplæring blir ofte markert med ei høgtidleg vitnemålsutdeling i juni. I mange tiår har det også vore tradisjon for russefeiring. Det er opp til kvar enkelt om ein ønskjer å delta i russefeiringa, og mange vel å ikkje delta.Dei siste åra har kommersielle aktørar fått stor påverknad på russefeiringa. Dette har ført til gruppering, utanforskap og utfordringar for skolemiljøet. Derfor jobbar fylkeskommunar, kommunar, regjeringa og politiet saman for å skape eit tryggare og meir inkluderande miljø for alle elevar. 2026 - ei ny feiring Nasjonalt samarbeid om ny russetidEi nasjonal arbeidsgruppe har blitt einige om ein strategi og handlingsplan for ei ny russefeiring. Dagens russefeiring har for store utfordringar til at ungdom kan gjere endringane sjølve. Men ungdommane har ei sentral rolle i komande avgangsmarkeringar, og innspela frå ungdom frå heile landet er tatt med i arbeidet. Måla i strategi og handlingsplan:Avgangsmarkeringa (russetida) startar når videregående skole er ferdig (medio juni) og blir avgrensa til ei vekeSvekke marknadsaktørane sin kontroll over feiringa og minske kommersielt pressLegge til rette for at avgangselevane har ei felles feiring og ein stad å vere Her kan du lese heile handlingsplanen (pdf) (PDF, 171 kB)Avgangselev i 2026? Dette må du viteBygg fellesskap med klassen og kullet, ikkje berre med ei gruppe. Test før fest: Avgangsmarkeringa vil skal starte etter eksamen. Regjeringa flyttar sentralgitte eksamenar til mai, og deretter kjem lokalgitt eksamen. Sjekk planen for eksamen 2026 her (ks.no). Utdanningsdirektoratet har foreslått at standpunktkarakter blir sett i forkant av munnleg eksamen. Dette blir avklart i løpet av hausten 2025. Vent med å inngå kontraktar: Det kan bli store endringar i avgangsfeiringa frå 2026. Derfor er det lurt å vente med å skrive under på kontraktar. Les tips og råd frå Forbrukerrådet.Buss: Regjeringa vil stramme inn reglane for buss. Ståplassar og sidevende sete under køyring kan bli forbode. Det kan også bli forbod mot å parkere bussane på skolane sine parkeringsplassar. Les Gratis kontroll av russebusser og russebiler (Statens vegvesen)Russeklede: Regjeringa vil at skolane skal innføre forbod mot å bruke ekskluderande russekle og –effektar (skolereglar). Dette er under vurdering i Møre og Romsdal fylkeskommune. Vurder derfor om det er verdt å investere mykje pengar i slike klede og effektar.Skolen sitt ansvarRussefeiringa er ikkje ei markering i regi av skolen, og skolen har ikkje eit direkte ansvar for sjølve markeringa. Men skolen har ansvar for at alle elevar har eit trygt og godt skolemiljø.Les: Eleven har rett til ein trygg og inkluderande russefeiring (udir.no)Skolereglane skal følgjast også i tida for avgangsmarkeringa. Elevar og føresette bør sette seg inn i reglane.Siste versjon av skolereglane finn du her Forslag til samarbeidsavtaleForslag til samarbeidsavtale mellom avgangsstyra og skolenOppstartsarrangement er (dato)Skoleleiinga informerer avgangselevane om ev. konsekvensar knytt til evt. knutereglementet.Skolen arrangerer møte mellom avgangselevane og politi/skolehelsetenesta, foreldremøte for avgangselevane og er tilgjengeleg for meir rettleiing.Skolen unngår å legge prøver til (fyll inn det som passar)Hærverk/tilgrising blir meldt til politiet. Ansvar for opprydding og dekning av kostnader ved oppryddinga blir vurdert i kvart enkelt tilfelle.Skolen stiller klasserom til disposisjon når avgangselevane skal ha møter og liknande på dagtid. Avgangselevane er ansvarleg for at romma er ryddige etter møta.Det er ikkje tillate å ha vassgevær, vasspistolar og liknande inne i skolebygget eller andre lokale skolen brukar. Avgangselevane skal ikkje invitere til/delta i vasskrig på skolen sitt område.Det skal ikkje noka form for svartelisting/”koselister”/mobbing/trakassering av medelevar, og avgangsstyret skal arbeide aktivt mot dette.Avgangselevane kan søke skolen om økonomisk støtte til felles aktivitetar for avgangselevaneSkolen kan legge til rette for ulike felles arrangement for avgangselevane gjennom skoleåret, for eksempel … Avgangsstyret utarbeider ein aktivitetsplan for felles aktivitetar for avgangselevane ved skolen. Planen skal godkjennast av skoleleiinga.Alle avgangselevane som ønskjer å vere medlem av ei avgangsgruppe skal få tilbod om detteAvgangskontaktene formidlar informasjon i sine klasserAvgangsstyret utarbeider skisse til aktivitetsplan og konkrete ønske om samarbeid med skolenDenne avtalen skal vere på plass før skolebygget kan brukas til avgangsaktivitetarSkolane kan ha fleire eller andre punkt i avtalen. Ta kontakt med din skole dersom du vil vite meir. Bli med å forme avgangsmarkeringa!- ved å engasjere deg i det regionale og lokale arbeidet knytt til 2026 – ei ny feiring! Andre tips og rådUnder finn de fleire relevante tema knytt til avgangsmarkering og russetid. TrafikksikkerheitStatens vegvesen tilbyr gratis sjekk av russebussSjå tidspunkt og bestill time her (vegvesen.no)Råd frå Trygg Trafikk Møre og Romsdal:alle har på seg bilbelte og sit på godkjente plassar i fartall last er sikra på ein god måtealle er kjent med konsekvensane ved for mange passasjerarsjåføren har dokument i orden og kjenner krav til ulike køyretøysjåføren har fri sikt framover, til sida og bakover i køyretøyetbrannslukkaren er godt festa, merka og tilfredsstiller alle kravaggregatet er slått av og tømt for drivstoffaggregatet er festa utanfor bussen eller i gasstett romdrivstoff er lagra i sikre kannerBerre påbode lys blir brukt under køyringkupeen er opplyst (gjeld berre buss) Les om kjøretøy og russ på Statens vegvesen sine nettsider Lytt til Statens vegvesens podcast Russ og buss.Les Russ og rulling - dette må dere vite (Trygg trafikk) Kjøpepress og kontraktarRussefeiringa har blitt big business for mange aktørar. Forbrukertilsynet ønsker tips frå ungdom, russ, foreldre og andre som har sett marknadsføring eller kontraktar dei reagerer på. Les meir og send tips anonymt (forbrukertilsynet.no) RusAvgangsmarkeringa kan vere introduksjon til rus for ungdommane og det er lurt å ha snakka om dette før avgangsåret. Fylkeskommunen har ein rusplan som skal bidra til ein lærestad fri for rus. Skolen samarbeider med russen, kommunen og politi om tiltak for å informere om skadeleg bruk av rusmiddel, og fremme haldningar og rusfrie tiltak som ein del av avgangsmarkeringa. Her kan du lese om rusførebygging i skolen (Rusplan) Råd til foreldreDu er viktig for ungdommen din. Vis at du bryr deg, snakk med ungdommen og ver tilgjengeleg!Førebygg! Snakk om korleis dei vil ha det på skolen og korleis dei kan bidra til eit godt miljø.Snakk om feiringa på førehand. Kva slags feiring ønskjer dei? Korleis kan dei bidra til ei positiv feiring for alle?Ver der for ungdommen din! Gjer det lett å kome til deg med positive og negative opplevingar.Inkluder alle alltid; sørg for at ungdommen din tek ansvar for andre.Tør å sette grenser, og stå i dei.Bry deg om andre ungdommar. Du kan vere ein trygg vaksenperson å snakke med.Snakk om eigne grenser og viktigheita av å respektere andre sine. Snakk om vennskap, utanforskap, rusbruk, drikkepress, knutereglar og sexpress. Openheit og tryggleik er viktig.Ha på telefonen - alltid!Hjelp ungdom å finne ein stad der dei kan feire saman. Då blir russebuss og van overflødig.Snakk og samarbeid med andre foreldre! Ha eigen kanal. De kan saman bidra til ei trygg og positiv avgangsfeiring.Samarbeid med skolen og bidra til godt skolemiljø og bra fellesfeiring Meir informasjonInformasjon frå Utdanningsdirektoratet om russetidaTips rundt kontrakter fra forbrukerrådetPodcast om russetidens skyggesider (NRK)Er du ungdomsforelder og vil vite meir om russ og avgangsfeiring? Sjå informasjonsvideoen “Veien til ny avgangsfeiring” (statsforvalteren.no) Vil du sjå denne videoen må du godkjenne funksjonelle informasjonskapslar. Råd til foreldre frå politietKlede, mat, drikke, søvn og skolearbeidKle russen godt: Det kan vere kaldt ute, sjølv i mai. Sørg for varme klede og gode sko.Mat og drikke: Be ungdommen ete før dei dreg ut. Send med mat og vatn, spesielt til arrangement utan matsal.Søvn og skole: Snakk om balansen mellom fest og skole. Hjelp dei å prioritere eksamen og innleveringar.Sosiale mediumMinn om å tenke seg om før dei tek og deler bilde og video. Deling utan samtykke er ulovleg.Snakk om konsekvensar og vis at det er trygt å komme til deg om noko skjer.Støy og ansvarHøg musikk er ikkje lov mellom kl. 23 og 06. Politiet kan beslaglegge anlegg ved gjentatte klager.Avtal med sjåførar at musikken skal av når bussen stoppar i bustadområde.Minn om at det ikkje er lov å ha fleire i bilen enn det den er registrert for, og at skjenking til mindreårige er straffbart.Alkohol og rusSnakk om mengde og kva dei drikk. Ulovleg alkohol kan vere farleg.Be dei passe på drikka si og ikkje ta imot frå andre.Oppmod til å halde kontroll og vere saman med nokon dei stolar på.Gjer det klart at dei alltid kan ringe deg – uansett kva som har skjedd.Tryggleik og respektSnakk om grenser og samtykke. Seksuelle handlingar skal alltid vere frivillige.Be dei passe på kvarandre – ingen skal sovne aleine på fest.Vis at det er trygt å ta kontakt med deg dersom noko skjer.Politiet si rollePolitiet er til stades under russefeiringa. Ved spørsmål, kontakt ditt lokale politidistrikt.Ring 02800 eller 112 dersom noko skjer.Teksten er eit samandrag av informasjon på nettsida til Vestfold fylkeskommune Treng du nokon å snakke med?Ta kontakt med elevtenesta på skolen og snakk med ein rådgivar, helsesjukepleiar eller miljøarbeidarKontakt PPT i skolenKontakte elev- og lærlingombodetDersom det oppstår situasjonar utanom skoletid som også påverkar læringsmiljøet, ta kontakt med skolen.