Målet med konferansen er å gi fagleg påfyll og inspirasjon til tre ulike fagfelt med samanfallande samfunnsoppdrag. Konferansen skal styrke ABM-nettverket i fylket og knyte det til samarbeidspartar regionalt, nasjonalt og internasjonalt.
Konferansen blir arrangert som eit samarbeid mellom Møre og Romsdal fylkeskommune, Interkommunalt arkiv Møre og Romsdal (IKAMR), Nordmørsmusea, Kristiansund bibliotek og Norsk bibliotekforeining Møre og Romsdal.
Tema for konferansen
ABM-sektoren opererer i eit tid med store faglege utfordringar: kunstig intelligens og teknologisk utvikling, endra rammevilkår, uviss rolle i det offentlege ordskiftet, endra samfunnskrav og -forventingar, og nye perspektiv på historie og kulturarv. Å takle utfordringane krev både samarbeid, refleksjon og handling.
ABM-konferansen samlar spørsmåla om fagleg sjølvstende, rolleforståing og ansvar i det offentlege ordskiftet, og innbyggartenester. Det skal vere særskilt merksemd på korleis sektoren handterer ny kunnskap og kontekstualiserer gamal kunnskap i dialog og tidvis konflikt med endra samfunnstilhøve og -forventingar.
Program
Onsdag 29. april tar til med registrering og lunsj frå kl. 11.30. Felles fagprogram frå kl. 13 til ca. 17. På kvelden blir det gatevandring og middag.
Torsdag 30. april blir det parallellprogram frå kl. 09, før dagen blir avslutta med lunsj kl. 12.
Vi har set saman eit fagleg godt og spennande program, med mellom anna innlegg frå Nasjonalarkivet, Nasjonalbiblioteket, Norges museumsforbund og regionale aktørar. Fleire kjem til etter kvart.
Følg denne lenka for å sjå fullt program (PDF, 87 kB)
Pris og påmelding
- Båe dagar: kr 1 200
- Éin dag: kr 600
- Inkl. middag: + kr 700
Meld deg på!
Påmeldingsfrist er fredag 10. april.
Overnatting
Quality Hotel Grand Kristiansund
Bernstorffstredet 1, 6509 Kristiansund
Følg denne lenka for å bestille hotellrom til avtalepris .
Kontaktpersonar
Torgeir Brun og Lisa Alvestad