Stab for organisasjon og tenesteutvikling

HR følger opp den overordna arbeidsgivarfunksjonen på vegner av fylkeskommunedirektøren og gir leiarstøtte innanfor:

• rekruttering og utvikling av leiarar og andre medarbeidarar
• HMS og arbeidsmiljø
• arbeidet med omstilling og organisasjonsutvikling
• kultur og identitet 

IT har ansvar for:

• teknisk drift og utvikling av alle felles IT-tenester i fylkeskommunen. 
• å ha tett kopling til arbeidet med digitalisering, integrasjon og robotisering.

Seksjonen er organisert i to team:

• brukarstøtte
• teknisk drift av IT-tenestene 

Kommunikasjonsseksjonen har eit overordna ansvar for strategisk og operativ kommunikasjon i fylkeskommunen. Vi skal sørge for at kommunikasjonen bygger opp under måla i fylkesplanen og for å auke kunnskapen om fylkeskommunen sine roller og tenester.

Som støttefunksjon for heile organisasjonen skal vi bidra til å sikre god ekstern og intern kommunikasjon.

Vi utviklar og driftar fylkeskommunen sine kommunikasjonskanalar og har ansvar for grafiske tenester til annonser og anna profilering.

Seksjonen kan gi råd om:

• planlegging og gjennomføring av kommunikasjonstiltak
• pressemelding og mediekontakt
• annonsering
• språk
• grafisk formgiving, profil og verkemiddel
• krisekommunikasjon og beredskap

Seksjon for tenesteutvikling og digitalisering:

• skal vere ein ressurs og fasilitator for teneste- og utviklingsprosessar i heile organisasjonen
• ha kompetanse på tenestedesign, gevinstarbeid, prosesskartlegging, prosjektarbeid, prosessleiing og digitalisering
• er samlokalisert med, og skal samarbeider tett med, porteføljeansvarleg i den nyetablerte prosjektarenaen
• har ei leiande rolle i robotiseringssatsinga og skal etablere og koordinere eit internt tverrfagleg miljø for tenesteutvikling

Fagleiar for sikkerheit og beredskap har ansvar for forvaltning og utvikling av overordna rammeverk for sikkerheit/beredskap/krisehandtering og fungerer som beredskapskoordinator for fylkeskommunedirektøren og beredskapsleiinga. Rolla samhandlar tett med inn mot IT-seksjonen (informasjonssikkerheit), kommunikasjonsseksjonen (krisekommunikasjon), HR-seksjonen (HMS) og gir støtte til heile organisasjonen innafor sikkerheit- og beredskapsarbeidet.

Eirik Jenssen, fagleiar for sikkerheit og beredskap