Dette er ein del av Møre og Romsdal fylkeskommune si personvernerklæring.
Ansvarleg eining
Møre og Romsdal fylkeskommune er behandlingsansvarleg for personopplysningar.
Formål
Møre og Romsdal fylkeskommune behandlar personopplysningar for følgande føremål:
Inntaksprosessen
Fylkeskommunen behandlar søknadar om skole- og læreplassar for å administrere inntaksprosessen. Dette inkluderer å samle inn nødvendige personopplysningar om søkarar, elevopptak og plassering.
Undervisning og læring
Fylkeskommunen gjennomfører opplæringsløp, eksamenar og fagprøver, og legg til rette for og evaluerer undervisning og læring. Dette inkluderer vurdering av elevprestasjonar, tilpassing av undervisningsmetodar og tilrettelegging for særskilde behov, samt privatisteksamen. Fylkeskommunen behandlar og personopplysningar for å kunne skrive ut dokumentasjon for elevar, lærlingar og studentar, og for å kunne rapportere til overordna myndigheit.
Administrasjon
Administrasjonen av skoledrifta omfattar elevregistrering, timeplanlegging, ressursallokering og kommunikasjon med elevar, føresette og tilsette. Fylkeskommunen godkjenner faglege leiarar i lærebedrifter, oppnemner prøvenemndsmedlemmer og sikrar at vilkåra for å tilby opplæring og andre tiltak er oppfylte. Fylkeskommunen utfører lovpålagde oppgåver som budsjettarbeid, refusjonsordningar, rekneskap og rapportering til overordna myndigheit.
Bruk av digitale læremiddel
Fylkeskommunen behandlar personopplysningar for innlogging og handtere identitetsforvaltning, for eksempel gjennom Microsoft-innlogging og Feide ID. Dette gir tilgang til digitale læremiddel og plattformer. Fylkeskommunen bruker mange digitale læremiddel, inkludert KI-verktøy, for å støtte undervisninga, forbetre pedagogisk praksis, gi tilbakemelding på elevar sine oppgåver og gjennomføre prøver og eksamen.
Sikkerheit og beredskap:
Arbeidet med sikkerheit og beredskap på skolen inkluderer identifikasjon av risikoar, overvaking av tilgang og handtering av hendingar.
Sosiale medium
Skolane kan bruke sosiale medium for å informere om skolekvardagen, dele nyheiter og vise fram elevaktivitetar. Fylkeskommunen har retningslinjer for trygg bruk av sosiale medium, og vi oppmodar om respekt for personvernet i alle innlegg og kommentarar.
Typar personopplysningar vi behandlar
Møre og Romsdal fylkeskommune kan behandle følgjande typar personopplysningar:
Identitets- og kontaktopplysningar
Namn, fødselsnummer, kjønn, nasjonalitet, morsmål, kontaktinformasjon, relasjon til eleven, behov for tolk.
Utdanningsopplysningar
Utdanningshistorikk, klasse, utdanningsprogram og fag, oppgåvesvar og vurderingar, test- og prøveresultat, karakterar, fråvær og merknadar, anna informasjon nødvendig for gjennomføring av opplæringa.
Arbeidsrelaterte opplysninger
Tilsettingsforhold, arbeidsgivar, stilling, arbeidsstad, personalvurderingar, arbeidskontrakter, fråværsstatistikk, kompetanse- og kvalifikasjonsopplysningar.
Digitale brukerkontoopplysninger
Data som er tilknytt digitale brukarkontoar, for eksempel brukarnamn og passord for tilgang til digitale tenester, IP-adresser, loggar over bruk av tenester, einingsinformasjon, operativsystem, programvareversjonar.
Kommunikasjonsopplysningar
Innhald i kommunikasjon, inkludert e-post, brev, innsendte skjema og klager, direkte meldingar via digitale plattformer.
Transaksjonsdata eller logg
Samtaleloggar, loggar knytt til brukaraktivitet på digitale plattformer.
Data frå sosiale medium
Informasjon fra sosiale medium-kontoar, interaksjonar, innhald delt, likes og kommentarar.
Bilde, video eller lydopptak
Bilde, CCTV-opptak, opptak av møtet eller forelesning
Sensitive opplysningar
Opplysningar frå legeerklæringar, utgreiingar og vurderingar gjort av pedagogisk-psykologisk teneste (PPT), opplysningar frå barnevernet, spesialisthelsetenesta eller Oppfølgingstenesta.
Rettsleg grunnlag for behandling av personopplysningar
Lov om grunnskolen og den vidaregåande opplæringa (opplæringslova) med forskrifter, samt Lov om høgare yrkesfagleg utdanning (fagskolelova) er det viktigaste behandlingsgrunnlaget. I enkelte tilfelle vil det vere nødvendig å hente inn samtykke for å behandle personopplysningar.
Når det gjeld bruk av sosiale medium er det berettiga interesser som er brukt som behandlingsgrunnlag. Før bilde eller videoar som inneheld personopplysningar blir tatt opp eller publiserte, blir det likevel alltid innhenta løyve frå dei som er avbilda. Det blir klargjort kva plattform innhaldet vil bli publisert på og til kva føremål.
Deling av personopplysningar
Møre og Romsdal fylkeskommune kan dele personopplysningar med følgjande mottakarar:
Interne mottakarar
Andre einingar innanfor Møre og Romsdal fylkeskommune, tilsette og lærarar ved skulen.
Eksterne mottakarar
Utdanningsmyndigheiter og tilsynsorgan, leverandørar av digitale læremiddel og plattformer, helsepersonell, juridiske rådgivarar, og andre relevante tredjepartar med samtykke eller i samsvar med lovkrav.
Bruk av digitale læremiddel og applikasjonar
Møre og Romsdal fylkeskommune brukar pedagogiske og administrative verktøy som behandlar personopplysningar. Oversikt og detaljert informasjon om applikasjonane ligg i fylkeskommunen sin tenestekatalog. Tenestekatalogen er tilgjengeleg på førespurnad.
Kor lenge opplysningane blir lagra?
Kor lenge fylkeskommunen har lov til å lagre personopplysningar er avhengig av kva som er føremålet, og om dei er arkivpliktige etter arkivlova. Arkivpliktige opplysningar blir lagra på ubestemt tid i fylkeskommunen sitt arkiv.
Rettane dine
Som den registrerte har du visse rettar knytt til personopplysningane dine, inkludert retten til:
- Tilgang og korrigering: Få tilgang til personopplysningane dine og korrigere unøyaktigheiter.
- Sletting og avgrensing: Slette eller avgrense behandlinga av personopplysningane dine
- Samtykke og tilbaketrekking: Trekke tilbake samtykke der behandling er basert på samtykke.
- Protest og klage: Protestere mot behandling av personopplysningane dine og klage til tilsynsmyndigheit.
Kontakt oss
Ved spørsmål om behandling av personopplysningar, eller om personvern og informasjonssikkerheit, kan du kontakte personvernombodet vårt på e-post.
Oppdateringar til personvernerklæringa
Vi tar atterhald om at denne personvernerklæringa kan bli oppdatert ved behov. Eventuelle endringar vil bli publisert på nettsida vår og trer i kraft ved publisering.
Sist oppdatert: 28.02.2025