Internasjonale program

Interreg-programma er ein del av regionalpolitikken i EU og bidrar med økonomisk støtte til regional utvikling. Det skal stimulere til samarbeid om til sosial og økonomisk utjamning, meir kunnskap og bærekraftig økonomisk vekst. Det er Kommunal- og moderniseringsdepartementet som løyver midlane til deltaking for norske aktørar over statsbudsjettet.

Kven kan søke?

Interreg er delt inn i fleire ulike program, basert på geografisk område og tema. Både fylkeskommunane, kommunar, universitet og høgskolar, forskningsinstitusjonar, organisasjonar og bedrifter kan søke om prosjektstøtte frå Interreg.

Aktørar frå Møre og Romsdal kan delta i:

• Nordsjøprogrammet
• Østersjøprogrammet
• Interreg Europe

Kva kan ein søke støtte til?

Interregprogrammet støttar prosjekt som løyser samfunnsutfordringar gjennom samarbeid med partnarar frå andre europeiske land. Nokre av utfordringane som deltakarane kan søke støtte til er blant anna kapacitetsbygging, nye transportløysingar, digitalisering, innovasjon og fornybar energi. For å få støtte må prosjektet gi ein meirverdi som ikkje ville blitt mogleg gjennom eit regionalt/ lokalt prosjekt.

Horisont Europa er verdas største forskings- og innovasjonsprogram med over 95 milliardar euro fordelt på sju år (2021 - 2027). Målsettinga med programmet er å styrke Europas innovasjonskapasitet og konkurransekraft, skape fleire arbeidsplassar, handtere klimaendringar og bidra til å nå FNs berekraftsmål. Programmet er det viktigaste verktøyet i EU for å finansiere forsking på europeisk nivå, og for å styrke europeisk samarbeid om kunnskap og teknologi.

Kven kan søke?

Bedrifter, offentleg forvaltning og forskningsmiljø i Noreg kan søke Horisont Europa om midlar til forskning, innovasjon og kommersialisering. 

Kva kan ein søke støtte til?

Horisont Europa har tre hovudsøyler: vi

1. Framragande vitskap: Finansiering til banebrytande og nysgjerrighetsdriven forsking.  
2. Globale utfordringar og konkurransedyktig næringsliv: Finansiering av store og komplekse samarbeidsprosjekt knytt til blant anna klima, helse, miljø, energi og transport, der offentlege aktørar, forskingsmiljø og næringsliv går saman om å løyse samfunnsutfordringar og auke verdiskapinga. 
3. Innovativt Europa: Finansiering av banebrytande eller innovative prosjekt med potensial til å skape nye marknadar. Her kan bedrifter søke om tilskot og eigenkapital til vekst og skalering.  

Nytt med Horisont Europa er såkalla «missions» eller samfunnsoppdrag på norsk, som er eit nytt verkemiddel for å løyse samfunnsutfordringar. Dei fem samfunnsoppdraga: 

1. Tilpassing til klimaendringar, inkludert samfunnsendring 
2. Kreft
3. Sunne hav, kystområdet og vassdrag 
4. Klimanøytrale og smarte byar 
5. Jordhelse og mat 

EU-nettverk Møre og Romsdal

Lurer du på kva moglegheiter som ligg i Horisont Europa for di verksemd? Ta kontakt med internasjonal rådgivar og prosjektleiar for EU-nettverk Møre og Romsdal, Trude Carlsen.

EU-nettverk Møre og Romsdal samlar aktører i regionen med interesse for internasjonalt samarbeid i forskings- og innovasjonsprosjekt. Nettverket mobiliserer og støttar prosjektutvikling til EU sitt rammeprogram for forsking og innovasjon, Horisont Europa.

Erasmus+ er EU sitt program for utdanning, opplæring, ungdom og idrett. Programmet er verdas største utdanningsprogram, og legg til rette for deltaking i samarbeidsprosjekt og praksisopphald i Europa.

Kven kan søke?

Ikkje-kommersielle organisasjonar som for eksempel kommunar, skolar, ungdomsorganisasjonar kan søke på vegner av unge (13-30 år) og ungdomsarbeidarar.

Kva kan du søke støtte til?

Aktørar kan blant anna søke støtte til:

• Skoleutveksling
• Ungdomsutveksling
• Praksis/ læreplass i Europa
• Hospitering av elevar og tilsette
• Samarbeid mellom skolar/ organisasjonar for å utvikle, utveksle og prøve ut fagleg innehold.
• Besøke / få besøk av ungdomsgrupper
• Kurs og andre opplæringsaktivitetar for ungdomsarbeidarar
• Ungdomspolitiske møte
• Ungdomsinitiativ
• Frivillig arbeid

Fordelar:

Det er mange fordelar ved å delta i Erasmus +, blant anna:

• Internasjonal arbeidserfaring
• Bli kjent med nye arbeidsmetoder og verktøy
• Utvida fagkunnskap
• Lære å kjenne nye kulturar
• Utvida språkerfaring
• Personleg utvikling
• Prosjekterfaring

EØS-midlane er Noreg sitt bidrag til å redusere sosiale og økonomiske forskjellar i Europa. Støtta styrkar også samarbeidet mellom Noreg og dei 15 mottakarlanda: Bulgaria, Estland, Hellas, Kroatia, Kypros, Latvia, Litauen, Malta, Polen, Portugal, Romania, Slovakia, Slovenia, Tsjekkia og Ungarn.

Kven kan søke?

Søknadsskriving, koordinering, rapportering, evaluering og budsjettkontroll er ansvaret til mottakarlandet. Norske aktørar kan bli med som partnar i prosjektet og få dekt delar av utgiftene for deltaking Norske partnarar kan vere bedrifter, kommunar, fylkeskommunar, kulturinstitusjonar, kunstnarer, frivillige organisasjonar, stiftingar, offentleg etat og andre.

Kva kan det søkast midlar til?

Det kan søkast pengar til enkeltprosjekt der norske aktørar kan delta som samarbeidspartnar. Det kan og søkast om midlar frå bilaterale fond som støttar aktivitetar som konferansar, seminar, studieturar og utveksling.

Aktuelle tema for EØS prosjekt kan vere: 

• Klima og miljø
• Grønn innovasjon og næringsutvikling
• Forsking og utdanning
• Justis og politisamarbeid
• Sivilt samfunn
• Lokal og regional utvikling
• Sosial dialog og trepartssamarbeid
• Kulturarv og kulturutveksling.

Kreativt Europa er EU sitt program for dei kulturelle og kreative sektorane. Målet med programmet er å fremme mobilitet for europeiske kunstnarar, bidra til å styrke den kreative industrien og hjelpe audiovisuelle kunstnarar til å tilpasse seg ei digital verd.

Gjennom Kreativt Europa kan norske aktørar innan kunst, kultur, film og TV få støtte til internasjonalt kultursamarbeid og til å nå ut til eit større europeisk publikum.

Programmet til Kreativt Europa er todelt.

• Kulturprogrammet skal styrke kulturelt samarbeid og mangfald i Europa. Det er ope for eit bredt spekter av kulturaktørar som kan søke støtte til samarbeid, kunnskapsutveksling, nettverksbygging og kompetanseheving, gjennom  for eksempel utveksling av aktørar og produksjonar, felles produksjonar, utforsking av nye forretningsmodellar og utvikling av digitale løysingar. Kulturrådet er kontaktpunkt for Kreativt Europas kulturprogram og ansvarleg for informasjon og rettleiing. 
• Kreativt Europa MEDIA-programmet skal styrke den audiovisuelle bransjen i Europa. Det gir norske aktørar innan TV, film og dataspel moglegheiter til å finansiere prosjekt, samarbeide internasjonalt, tileigne seg ny kompetanse og å nå ut til eit større europeisk publikum. Norsk filminstitutt er kontaktpunkt for Kreativt Europas MEDIA program og ansvarleg for informasjon og rettleiing.