I løpet av 2024–2025 skal dei fleste folkebibliotek og VGS-bibliotek i Møre og Romsdal ta i bruk same biblioteksystem.
Biblioteksystemet Cicero er levert av den danske leverandøren Systematic og er nytt i den norske marknaden. Anskaffinga er gjennomført av Deichman og aktuelle bibliotek i fylket har knytt seg til anskaffinga ved opsjonsavtale. For folkebibliotek er det den enkelte kommune som inngår avtale med leverandør, medan fylkeskommunen inngår avtale for VGS-biblioteka.
I samband med nytt biblioteksystem vil fylkeskommunen koordinere eit felles arbeid for å utforske moglege synergiar og nye samarbeidsformer for biblioteka som inngår avtale. I denne prosessen er det også aktuelt å inkludere regionmusea og databasen MøreRom.