Mange privatpersonar driv med metallsøk. Kva gjer du viss du kjem over eit funn?
Kva gjer du viss du finn noko som kan vere eit kulturminne?
- Ta raskt kontakt med Møre og Romsdal fylkeskommune, som er rette mynde til å gi råd og hjelp.
- Gjenstanden må sikrast mot vidare skade. Høyr gjerne med fylkeskommunen om korleis du kan gjere dette.
- Merk boks eller pose med gnr. og bnr. samt dato og namn.
- Fyll ut funnskjema som viser nødvendig informasjon. Funnskjema finn du på Riksantikvaren sine sider.
- Ta gjerne bilde av gjenstanden, men òg funnstaden og omgivnadane rundt og send det til fylkeskommunen.
Du kan lese meir om kva lover og rutiner som gjeld og retningslinjene rundt finnerlønn hos Riksantikvaren:
Eg har funne noko!
Bruk retningslinjene for metalldetektor
Riksantikvaren har utarbeidd retningsliner for metallsøk og for kva du skal gjere om du kjem over eit funn. Det er viktig å sette seg inn i desse slik at ikkje kulturminne blir skada.
Her står det mellom anna at:
- du må ha tillating frå grunneigaren
- du kan berre grave i pløyelaget
- det er ikkje tillate å gå på automatisk freda kulturminne (dette inkluderer også sikringssona)
- du må levere inn alle funn som er innleveringspliktige. Dette gjeld alle funn som du trur er eldre enn 1537, samiske gjenstandar eldre enn 100 år og alle myntar eldre enn 1650.
Er du i tvil? Ta kontakt med ein av arkeologane våre.