Gjennom ordninga får elevane moglegheit til å oppleve, gjere seg kjende med og utvikle ei forståing for profesjonelle kunst- og kulturuttrykk av alle slag. Kulturtilboda skal vere av høg kvalitet og vise heile breidda av kulturuttrykk.
Fylkeskommunen har ansvar for det regionale programmet. Kvart år set vi saman eit variert program som skal dekke kunstsjangrane musikk, film, visuell kunst, litteratur, kulturarv og scenekunst.
Les meir om programmet og tilbodet vårt
Det er lagt fram nasjonale mål for Den kulturelle skolesekken i Meld. St. 18 (2020–2021) Oppleve, skape, dele – Kunst og kultur for, med og av barn og unge.
- Vere eit gratis tilbod for alle barn og unge i grunnskolen og vidaregåande skole og tilbydast jamleg
- Sikre at barn og unge får eit likeverdig kunst- og kulturtilbod av høg kvalitet, uavhengig av kvar dei bur. Da kan dei gjere seg kjende med og utvikle forståing for eit variert spekter av kulturuttrykk
- Bidra til barn og unge si danning og utdanning, slik dette er formulert i overordna del- og læreplanar i fag
- Formidle eit kulturtilbod som blir opplevd som relevant og som representerer eit kulturelt mangfald av tilbod og utøvarar
- Vere eit samarbeid mellom kultursektoren og utdanningssektoren på alle nivå for å sikre god planlegging, forankring og tilrettelegging
- Bidra til å styrke norsk språk, dei samiske språka, dei nasjonale minoritetsspråka og norsk teiknspråk som grunnleggande kulturberarar
- Bidra til å formidle kunst- og kulturtilbod til barnehagebarn
Profesjonelle utøvarar, institusjonar og andre tilbydarar innan ulike kunst- og kulturuttrykk kan sende inn forslag til programmet. Send inn forslag i den nasjonale søknadsportalen. Fristen er 1. oktober kvart år.
Send inn forslag i den nasjonale søknadsportalen.