9 Formidling
Kunstutvalet skal lage ein plan for formidling av verket. Planen skal inngå i kunstplanen. Møre og Romsdal fylkeskommune ved Kulturavdelinga, brukarverksemda, kunstnar og kunstutval skal vurdere kva som eignar seg i det enkelte prosjekt.
Møre og Romsdal fylkeskommune ved bygg- og eigedomsavdelinga skal sjå til at kunstverket bli skilta med kunstnaren sitt namn, produksjonsår og tittel på verket, samt at verket inngår i/er registrert som del av Møre og Romsdal si kunstsamling.
Kunstverket skal registrerast i Norges kunstdatabase. Kunstverket skal fotograferast av ein profesjonell fotograf. Fotomaterialet kan nyttast til formidling av kunsten.
Fotografering, registrering og skilting skal finansierast innanfor kunstprosjektet sitt budsjett.
Andre formidlingsprosjekt knytt til kunstprosjekta må finansierast på annan måte.