Klimabudsjett og klimarekneskap

Noreg har forplikta seg til Parisavtalen, og Møre og Romsdal må òg bidra med å få ned dei norske klimagassutsleppa. Klimabudsjettet skal bidra til å følge opp vedtatte mål sett i regional planstrategi, fylkesplan og fylkesstrategi for miljø, klima og energi. Desse tre planane/strategiane blir óg følgt opp i handlingsprogrammet i økonomiplanen.  

Det meste av klimagassane som er sloppe ut i atmosfæren på grunn av menneskeleg aktivitet, kjem frå forbrenning av kull, olje og gass. I tillegg bidrar mellom anna avskoging og arealendringar, industrielle utslepp og husdyrhald til klimagassutslepp. For Møre og Romsdal fylkeskommune sin del er store delar av utsleppa knytt til energibruk, dvs. drivstoff i kollektivtransporten og vegdrift, straum til vegdrift og straum og fjernvarme til lys og varme i bygningane våre. 

Klimabudsjett og klimaregnskap hjelper oss å halde oversikt over utsleppa våre, kvar vi må kutte og kva effekt ulike klimatiltak har. Ansvaret for å gjennomføre tiltaka ligg på dei ulike tenesteområda og inneber at dei skal rapportere på klimabudsjettet, på lik linje som økonomisk rapportering.  

Den økonomiske rekneskapen er eit hjelpemiddel til å vise den økonomiske situasjonen og utviklinga i fylkeskommunen fram til no, og på same måten viser klimarekneskapen korleis klimagassutsleppa har utvikla seg i eit historisk perspektiv. Tilsvarande er det økonomiske budsjettet ein plan for korleis økonomien skal sjå ut i framtida og klimabudsjettet ein plan for klimagassutsleppa våre i framtida. 

Utsleppstala for det geografiske området Møre og Romsdal får vi frå Miljødirektoratet. Verken kommunar eller private verksemder har plikt til å rapportere inn tiltak for å redusere klimagassutslepp. Fylkeskommunen har derfor ikkje oversikt over kva tiltak som er planlagt i Møre og Romsdal fylke. 

Klimarekneskapen vår finn du i årsrapporten. 

Klimabudsjettet ligg i økonomiplanen. 

Forklaring av omgrep som er brukt i klimarekneskapen finn du under.