Naturbaserte løysingar 2023 -2024
Møre og Romsdal fylkeskommune har fått støtte frå Miljødirektoratet for å tilby kommunane kurs i naturbaserte løysingar (NBL) for klimatilpassing. Multiconsult har stått for det faglege innhaldet. Kurset blir gjennomført som ein webinarserie med seks webinar á to timar og ei fysisk, heildags samling.
Tema for webinara og den fysiske samlinga:
- Introduksjon til NBL
- NBL som stadselement
- Praktisk bruk av NBL I – etablering
- Praktisk bruk av NBL II –forvaltning, drift og vedlikehald
- NBL i plan I – for politisk og administrativ leiing
- NBL i plan II – plan, bygg, eigedom og teknisk sektor
- Fysisk samling: gjennomgang av lokale, innsendte problemstillingar
Manuset inneheld alt som blir sagt i opptaka. Manuset er nummerert med webinarnummer og avsnitta er nummererte med lysarknummer som korresponderer med sidenummer på lysbilda.
Dersom du treng teksting av opptaka, rår vi til at du les manuset i staden for transkriberinga.
Manus for alle webinara:
Presentasjonar:
Handbok og mal for klimabudsjett
Fylkeskommunen har i samarbeid med statsforvaltaren fått laga ei handbok med tilhøyrande mal som kommunane kan bruke når dei skal lage klimabudsjett. Målet er at desse to skal forenkle arbeidet i kommunane. Kommunane vel sjølv om dei vil bruke handboka og malen. Handboka og malen finn de på KLIMASNU-sida hos statsforvaltaren.
Handboka og malen er laga av tre berekraftskonsulentar frå internship-programmet på Campus Kristiansund: Martin Kleiven Jørgensen, Julia Volchkova og Veronika Priakhina. Dette er første utgåve og vi ønsker tilbakemelding frå kommunane som tek dokumenta i bruk slik at vi kan forbetre dei. Send innspel til Anne Melbø (Klimakoordinator hos statsforvaltaren i Møre og Romsdal) og Ingeborg Simonsen (Klima- og miljøkoordinator hos Møre og Romsdal fylkeskommune)