Campus Kristiansund

Campus Kristiansund (CKSU) er eit prosjekt for å etablere ein campus for høgare utdanning, forskning og innovasjon i Kristiansund sentrum.

CKSU vil innehalde høgskoletilbod, fagskole, kompetanseklinikk for den offentlige tannhelsetenesta, vekstmiljø for næringslivet og forskingsmiljø.

CKSU skal stå ferdig i hausten 2024. Men innhaldet er allereie under oppbygging, både kva gjeld utdanning, forsking og innovasjon.

Prosjektet skal bidra til

sikre ei langsiktig løysing for høgare utdanning på Nordmøre
å utvikle samarbeidet mellom kompetansemiljø i forskning og innovativt næringsliv
å sikre Nordmøre den kompetansen privat og offentlig sektor etterspør
å bygge opp felles arenaer for prosjektutvikling og kunnskapsdeling, blant anna gjennom å etablere eit nærings- og innovasjonshus som del av campus

Organisering

Campus Kristiansund er eit samarbeid mellom Høgskolen i Molde, Kristiansund og Nordmøre Næringsforum, Kristiansund kommune og Møre og Romsdal fylkeskommune. Desse aktørane eig Høgskolesenteret i Kristiansund, som vil bli erstatta av CKSU.

Fylkeskommunen har prosjektansvaret, og Roland Mauseth er prosjektleiar.

Prosjektet er organisert med ei styringsgruppe og ei prosjektgruppe:

Styringsgruppa har representantar frå dei fire eigarane og andre aktørar i politikk, næringsliv og forsking i Møre og Romsdal.
Prosjektgruppa si viktigaste oppgåve er koordinering mellom alle aktørane i prosjektet.

Vegen til Campus

Fylkeskommunen har i 2023 vore sentral i utviklingsarbeidet, gjennom deleigarskapet i Campus Kristiansund Drift AS, prosjekt for nye utdanningar på Campus Kristiansund og Internship-programmet for berekraftig utvikling (i samarbeid med Kristiansund kommune).

I februar 2023 la Statsminister Jonas Gahr Støre ned grunnsteinen for Campus Kristiansund saman med 3. klassetrinn på Allanengen barneskole. Grunnsteinen symboliserar FN sine berekraftsmål.

I 2023 har vi arbeidd mykje med korleis fagmiljøa skal samarbeide når Campus Kristiansund er i drift, og å skape gode løysingar for felles kunnskapsarenaer og nettverk. Campus Kristiansund Drift AS er no det verktøyet fylkeskommunen kanaliserer mykje av dette arbeidet gjennom.
Prosjektet for nye utdanningar held tett dialog med tilbydarar av både desentraliserte og digitale tilbod for heil- og deltidsstudentar, i tillegg til etter- og vidareutdanning.

Nye utdanningar til Campus Kristiansund

Prosjektet for nye utdanningar held tett dialog med tilbydarar av både desentraliserte og digitale tilbod for heil- og deltidsstudentar, i tillegg til etter- og vidareutdanning.

Fleire er interesserte og ser på moglegheiter om dei saman med oss kan tilby program innan industriell økonomi og kunstig intelligens, design og innovasjonsarbeid for ingeniørar og nye helseutdanningar. Vi trur det blir stor etterspurnad etter digital og desentralisert undervisning, som framleis krev eit sterkt fagleg og sosialt team på Campus. Prosjektet er i diskusjon med dei sentrale aktørane på Campus Kristiansund, for å finne ut av korleis dette best kan løysast.

Nyheiter om Campus Kristiansund

Campus Kristiansund Internship Program

Pilotprosjektet av Campus Kristiansund Internship Program (2022-24) er no fullført. Fylkeskommunen samarbeider med m.a. Kristiansund kommune om korleis ei eventuell vidareføring av internship-program bør utformast og kva for organisatorisk tilknyting det i tilfelle bør ha som ein del av Campus Kristiansund. Internship-programmet er eit samarbeidsprosjekt mellom Møre og Romsdal fylkeskommune og Kristiansund kommune, etablert hausten 2022. Sparebank1 Nordmøre og NEAS er programsponsorar.

Programmet byggjer kompetanse på berekraftsarbeid og berekraftig utvikling i vår region, og bidrar til at Møre og Romsdal opprettheld sin posisjon som fremst i landet på berekraft. I dette ligg det at programmet rekrutterer ny kompetanse til regionen, byggjer kompetanse ute i samarbeidande verksemder gjennom prosjekt i programmet, samt stimulerer til ny innovasjon og berekraftige løysingar i offentleg og privat sektor. Programmet bidrar også til å byggje kompetanse på berekraftig utvikling i heile verda, gjennom å dele kompetanse med basis i den norske modellen med tillit og samarbeid mellom samfunnssektorane. Programmet støttar og opp under Campus Kristiansund.

Om konseptet

Programmet rekrutterer unge nyutdanna frå heile verda med mastergrad eller høgare utdanning relatert til berekraftig utvikling. I løpet av åtte månadar deltar kandidatane i eit kunnskapsprogram utforma for å byggje kapasitet og kompetanse, samt tileignar seg praktisk erfaring gjennom arbeid på ulike berekraftsprosjekt. Kandidatane får innsikt og trening i ei rekke relevante berekraftstema, slik som data og KPIar, prosjektleiing, teknologi og simulering, sirkulærøkonomi og biomangfald. Gjennom å utvikle kandidatanes profesjonelle og personlege evnar utdannar programmet effektive «changemakers» for berekraftig samfunnsutvikling som er i stand til å arbeide med eit mangfald av interessentar.

Fagleg program

Jamleg gjennom året deltek kandidatane på faglege samlingar kor dei får trening i United Cities-metoden, som er ei heilskapleg tilnærming til berekraftig utvikling av byar og lokalsamfunn. Tilnærminga fokuserer på tillitsbygging og ein styrkebasert tilnærming til berekraftig utvikling, kor ein byggjar eit system for berekraftig verdiskaping på lokalt og regionalt nivå. Kandidatane får innsikt i teoriane bak metoden, og får trening i dei praktiske aspekta knytt til temaområde som data og KPIar, styring og leiing, berekraftig finansiering, samt teknologi og simulering. Kandidatane får også trening i andre relevante berekraftstema, slik som sirkulærøkonomi, biomangfald og mobilitet.

Prosjektarbeid

Størstedelen av tida arbeidar kandidatane på ulike berekraftsprosjekt. Prosjekta er basert lokalt, regionalt og internasjonalt, i offentleg og privat sektor. Prosjektarbeidet bidrar til å løyse utfordringar relatert til berekraft for ulike bedrifter, organisasjonar og myndigheiter, samt til berekraftig verdiskaping i regionen og til å initiere fleire berekraftsprosjekt.

Under programmets andre år, 2023-24, arbeidar kandidatane på ei rekke ulike prosjekt, slik som:

I samarbeid med Møre og Romsdal fylkeskommune og Statsforvaltaren, jobbar dei med å utvikle ei handbok for å hjelpe kommunar i fylket med å utarbeide klimabudsjett, og i et anna prosjekt med fylkeskommunen jobbar dei med å utvikle indikatorar på energieffektivitet.
I samarbeid med GreenTechSee, ein non-profit organisasjon som arbeidar for å aktivere og støtte innovasjon basert på dei nyaste digitale teknologiane, jobbar kandidatane med å samle, validere og analysere miljødata innan hav, energi og samfunn, som skal brukast inn i digital innovasjon relatert til berekraft.
I samarbeid med Kristiansund kommune bidrar dei inn i det EU-finansierte CREST-prosjektet, som hjelper sårbare kommunar med å utvikle robuste og motstandsdyktige metodar for å tilpasse seg klimaendringane.
Kandidatane bidrar inn i eit samarbeidsprosjekt mellom fylkeskommunen og OECD, som kartlegg og rapporterer på sirkularitet i Møre og Romsdal.
I samarbeid med eit mobilitetsnettverk beståande av FRAM, Campus Kristiansund, Kristiansund kommune, Høgskolen i Molde, NEAS og Sundbåten, jobbar kandidatane med å finne gode og berekraftige løysingar på ulike mobilitetsutfordringar.
I samarbeid med Sparebank1 Nordmøre arbeidar kandidatane med å auke kompetansen på berekraft hos rådgivarar på bedriftsmarknaden.
I samarbeid med Senter for berekraftig areal- og naturforvaltning bidreg kandidatane til arbeidet med natur- og arealforvaltning, og med kommunikasjon ut til innbyggarar og politikarar.
Kandidatane jobbar med å etablere ein ombrukssentral for gjenbruk av møblar og materialar ved Campus Kristiansund, samt bidreg inn i eit forprosjekt for etablering av ein innbyggarlab.
Hausten 2023 arrangerte kandidatane ein berekraftskonferanse kor bedrifter, organisasjonar og andre aktørar delte av sin praksis rundt berekraft, med mål om å lære av kvarandre. Våren 2024 arrangerer dei den årlege internship-konferansen, kor blant anna prosjekta og resultat frå dei vil bli presentert.

Rapport 2023-2024

I vedlegget her finn du årsrapporten til internship-programmet for 2023-2024 og rapportane frå dei ulike prosjekta.

Campus Kristiansund

Prosjektet skal bidra til

Organisering

Vegen til Campus

Om konseptet

Fagleg program

Prosjektarbeid

Rapport 2023-2024

Kontakt

Kontakt oss

Postadresse

Her finn du oss