CIRCULANDIA - for meir robust matproduksjon

Møre og Romsdal fylkeskommune deltek i det europeiske innovasjonsprosjektet CIRCULANDIA, som skal utvikle sirkulære systemløysingar for regenerativt landbruk, lokale matsystem og  gjenbruksemballasje i byer og regionar.

I Møre og Romsdal skal vi teste løysingar for sirkulære matsystem og betre utnytting av ressursar. Prosjektet samlar 25 partnarar frå 12 land, og har som mål å redusere avfall og importavhengighet, styrkje jordhelse og skape meir sirkulære matsystem i byar og regionar.

Kven som deltek frå Møre og Romsdal

Frå Møre og Romsdal er tre aktørar med i prosjektet:

  • Møre og Romsdal fylkeskommune – regional koordinator og ansvarleg for å tilpasse utprøvinga til norske forhold
  • NORSØK – fagleg partnar innan jordhelse, regenerativt landbruk og sirkulære næringsstraumar
  • Gjermundnes vidaregåande skule – pilotarena for undervisning og praktisk utprøving i felt

Fylket er ein såkalla replicator, noko som betyr at vi testar ut og tilpassar metodar som er utvikla i andre europeiske regionar.

Kva prosjektet arbeider med

CIRCULANDIA utviklar og testar nye løysingar innan:

  • regenerativt landbruk – metodar som byggjer opp jordhelse og binder karbon
  • sirkulære næringsstoffstraumar – betre utnytting av matavfall, hageavfall og andre ressursar
  • lokale matsystem – kortreiste verdikjeder, mathubbar og offentlege innkjøp som støttar lokale bønder
  • gjenbruksemballasje – system som reduserer plast og eingongsavfall i matbransjen

Møre og Romsdal deltek særleg i arbeidspakka om regenerativt landbruk og sirkulære næringsstoff.

Kva som skal gjerast i Møre og Romsdal

I vår region skal vi:

  • teste ut metodar for regenerativt landbruk i praksis
  • utvikle og prøve ut opplæringsmateriell saman med NORSØK og Gjermundnes vgs
  • gjennomføre pilotaktivitetar på Gjermundnes vgs, der elevar og lærarar deltek i feltforsøk og utprøving av undervisningsmateriell
  • vurdere korleis nye metodar passar norske forhold, regelverk og praksis
  • skape eit regionalt fagmiljø for kunnskap om jordhelse og sirkulær ressursbruk

Kva vi ønskjer å oppnå

Gjennom deltakinga i CIRCULANDIA skal Møre og Romsdal:

  • styrke kompetansen innan regenerativt landbruk og sirkulære matsystem
  • bidra til betre karbonmåling på landbruksareal
  • gi elevar og fagmiljø tilgang til nyskapande læringsopplegg
  • støtte bønder i å ta i bruk metodar som styrker jordhelse og klimamotstand
  • plassere regionen som ein aktiv partnar i europeisk sirkulærøkonomi og grøn omstilling

Prosjektet gir oss tilgang til internasjonal kunnskap, testar i reelle driftsmiljø og nye samarbeidsarenaer for framtidas landbruks‑ og matpolitikk.