Nyttårskonferansen er den einaste og viktigaste møteplassen for leiarar i offentleg sektor, og skal bidra til samarbeid for å styrke fylket vårt. Til Nyttårskonferansen inviterer vi ordførarar, kommunedirektørar, toppleiarar for regionale statlege verksemder med ansvar for Møre og Romsdal, fylkesutval, Mørebenken, Ungdomspanelet, og toppleiing i Møre og Romsdal fylkeskommune og Statsforvaltaren i Møre og Romsdal.
Konferansen blir arrangert av seksjon for berekraftig samfunnsutvikling, medarrangører er Statsforvaltaren i Møre og Romsdal, KS, NAV og Ungdomspanelet.
Nyttårskonferansen 2025 blir arrangert 9.-10. januar 2025.
Årets regionbyggar
Nyttårskonferansen deler ut prisen Årets regionbyggar til ein person, organisasjon, bedrift eller offentleg aktør som har utmerka seg på ei enkeltsak eller over tid som ei samlande kraft i fylket - eller har tatt spesielt initiativ som bygger Møre og Romsdal saman.
Deltakarane på Nyttårskonferansen – leiarar i offentleg sektor i Møre og Romsdal – nominerer kandidatar med grunngiving i kriteria over. Programkomiteen (Fylkeskommune, Statsforvaltar, NAV, Ungdomspanelet og KS) er jury.
Årets regionbyggar 2023 vart Ungdomspanelet.