Korleis gir vi rettleiing til kommmunale planar?

Etter plan- og bygningslova har vi ansvar for å rettleie og støtte kommunane i deira planlegging.

Vi rettleiar kommunane mellom anna ved å

gi skriftleg tilbakemelding (fråsegn) på konkrete planar som kommunane har sendt på høyring
svare på spørsmål på telefon og e-post
delta i møte og synfaringar når det er behov
arrangere seminar og nettverkskonferansar

Kva ser vi etter når vi gir rettleiing til konkrete planar?

Omsynet til regionale interesser

Vi skal sikre at regionale interesser blir tatt vare på i kommunal planlegging. Når vi vurderer og gir tilbakemelding på planar, ser vi om desse er i tråd med Fylkesplan for Møre og Romsdal 2020-2024, Regional planstrategi og dei ulike regionale delplanane, fylkesstrategiane, ulike særlover og føringar frå Storting og regjering. Vi ser også etter om kommunane set seg sjølve inn i ein regional samanheng og vi peikar på nytten i samarbeid med andre kommunar.

Møre og Romsdal fylkeskommune vedtok i 2023 “Fylkesstrategi for attraktive byar og tettstader 2023-2026". Fylkesstrategien har retningsliner som seier at lokalisering av publikumsretta sentrumsfunksjonar som hovudregel skal skje i sentrumsområda og nært kollektivknutepunkt. Etablering av handel utanfor sentrumsområda bør derfor ikkje skje utan at det er klargjort kva konsekvensar det kan få for sentrumsområda. Slike utgreiingar er ofte omtalt som «handelsanalysar» og er meint å sikre tilstrekkeleg kunnskapsgrunnlag for dei som skal ta avgjerd i slike saker. Under finn du ein rettleiar for utarbeiding av handelsanalyse.

Rettleiar for utarbeiding av handelsanalyse (PDF, 2 MB)

Omsynet til friluftsområde og allemannsretten

Vi har eit spesielt ansvar for å rettleie kommunane slik at dei tar vare på friluftsområde og allemannsretten når dei lagar planar.

Når kommunale planar og byggesaker er til høyring hos oss og vi vurderer desse, vil vi sjå etter at grøntområde og friluftsliv har fått nok og rett areal i tråd med plan- og bygningslova. Vi gir råd til kommunane om korleis dei kan gjere dette.

Dersom vi meiner at kommunane ikkje har tatt nok omsyn til friluftslivsområde, vil vi kome med innvendingar (motsegn).

Jordvern og berekraftig arealbruk

Jordvern inneber å sikre at den beste jorda framleis blir brukt til å dyrke mat og ikkje omdisponert til andre formål. I nasjonal jordvernstrategi har Stortinget fastsett eit mål om at den årlege omdisponeringa av dyrka jord må vere under 2000 dekar.

Fylkestinget vedtok ved handsaminga av fylkesstrategi for 2023-2026 at den årlege omdisponeringa av dyrka jord i fylket ikkje skal overstige 100 dekar.

Vi vi legge til rette for at kommunane bruker natur- og arealrekneskap for å oppnå ei meir berekraftig arealforvaltning og sikring av viktige ressursar. Vi rår til å restaurere anna areal til tilsvarande verdi dersom nedbygging av verdifullt landskap er uunngåeleg.

Omsynet til barn og unge

Møre og Romsdal fylkeskommune har eit spesielt ansvar for å rettleie kommunane slik at dei varetek barn og unge sine interesser i planlegginga.

Barn og unge sine rettar i samfunnsplanlegginga er særskilt sikra i plan- og bygningslova og gjennom Rikspolitiske retningsliner. Kommunane har det primære ansvaret for å innarbeide desse omsyna i sine planar. Når planar er til offentleg ettersyn vil vi sjå om dette er gjort.

Særleg fokus vil vi ha på tilhøvet for dei yngste barna og korleis bustadområda er tilrettelagt for leik og uteaktivitetar.

Omsynet til universell utforming

Universell utforming er ein langsiktig nasjonal strategi for å bidra til å gjere samfunnet tilgjengelig for alle og forhindre diskriminering. Prinsippet skal ligge til grunn for planlegging og krava til kvart enkelt byggetiltak.

Universell utforming dreier seg om å utforme og legge til rette fysiske forhold slik at alle så godt som råd får like moglegheiter til å delta i samfunnet.

Folkehelse

Vasskvalitet

Som vassregionmyndighet arbeider vi for å ta vare på vatnet i fylket.

Dette gjer vi ved å:

ha ansvar for vassforvaltninga og følge opp vassforskrifta i Møre og Romsdal vassregion
ha ansvar for forvaltningsplanar for ulike sektorar
samarbeide med og rettleie kommunar og sektormyndigheiter
auke kunnskapen om vassforvaltning, gjennom konferansar og seminar
tildele tilskot til vassmiljøtiltak

Samferdsel - trafikktryggleik

Vi har eit spesielt ansvar for å rettleie kommunane om regelverket etter veglova, som skal sikre eit trafikksikkert og framkomeleg vegnett. Andre viktige omsyn er vedlikehald og drift av vegnettet, arealbehov ved framtidig utviding av vegen og miljøet på eigedommane langs vegen (spesielt støy).

Når kommunale planar og byggesaker er til høyring hos oss, og vi vurderer desse, vil vi sjå til at vegsystemet kan bli utforma i samsvar med omsyna i regelverket. Vi gir råd til kommunane om nødvendige utgreiingar, utforming av plandokument og søknadsplikt.

Dersom vi meiner at kommunane ikkje har tatt nok omsyn til samferdsel og trafikktrygging, vil vi kome med innvendingar (motsegn).

Planfagleg

Kva skjer når fylkeskommunen har innvendingar til kommunale planar (motsegn)?

Som ein del av rettleiingsansvaret har fylkeskommunen mynde til å bruke sanksjonar ovanfor kommunane. Lovverket gir heimel til å fremje motsegn til planforslag og til å klage på vedtak som er i strid med regionale interesser, innanfor fylkeskommunens ansvarsområde.

Vanlegvis vert slike saker løyst på administrativt nivå, gjennom dialog med kommunen. Når det ikkje blir semje, blir sakene fremma for fylkesutvalet for avgjerd, og eventuelt sendt vidare til fylkesmannen for mekling eller klagebehandling.

Korleis gir vi rettleiing til kommmunale planar?

Kontakt

Kontakt oss

Telefon sentralbord

Opningstider

E-postadresse

Nyheitsbrev

Postadresse

Organisasjonsnummer

Skolar og tannklinikkar

Her finn du oss