Fylkesplan for Møre og Romsdal
Fylkesplanen er den overordna planen for samfunnsutvikling i Møre og Romsdal. Fylkesplanen er ein regional plan etter plan- og bygningslova, og skal ligge til grunn for kommunar og regionale statsetatar si verksemd og planlegging.
Den skal gi fylkeskommunen, kommunale og regionale styresmakter, næringsliv, institusjonar og organisasjonar i fylket eit grunnlag for å kunne prioritere og ta avgjerder. Planen skal også medverke til samarbeid og samhandling i fylket.
Fylkesplan 2025 – 2028 er bygd opp rundt FN sine berekraftmål, og er derfor eit tverrsektorielt styringsdokument.
Fylkesplanen blir utdjupa gjennom ei rekke fylkesstrategiar som følger opp fylkesplanmåla.