Karriere Møre og Romsdal

Karriererettleiing er eit gratis tilbod til alle vaksne over 19 år i Møre og Romsdal. 

Kanskje er du ferdig med vidaregåande opplæring og er usikker på kva du skal gjere vidare. Eller kanskje du ønskjer å skifte karriere eller treng ei kursendring i livet. 

Unge under 19 år, som ikkje er i utdanning, kan ta kontakt med.. 

Vaksne over 19 år, som er under opplæring/utdanning, kan få karriererettleiing gjennom skolen/utdanningsinstitusjonen

Karriererettleiing er ein samtale mellom deg og ein rådgivar, der målet er å finne ut kva du vil, kan og kva moglegheiter du har for jobb eller kompetanseheving.

Samtalen er konfidensiell og fortruleg.

Vi vil gå gjennom: 

• kartlegging av interessene dine
• utdanningstilbod og moglegheiter for arbeid
• private og offentlege kurstilbod som er aktuelle for deg 
• råd til korleis du skriv ein CV eller ein jobbsøknad
• Råd til jobbintervju

Dette bør du tenke gjennom før samtalen

• Kva er den viktigaste grunnen til at du vil ha karriererettleiing?
• Kva ønsker du spesielt å få hjelp til?
• Korleis ser ønska dine for framtida ut?
• Kva for andre moglegheiter har du tenkt på?
• Kva trur du skal til for at du skal kunne oppnå det du ønsker? 
• Kva er dei største utfordringane dine i med omsyn til framtidig  jobbsituasjon slik du ser det?
• Korleis vil du beskrive deg sjølv som person?
• Kva opplever du er viktig for at du skal trivast på ein arbeidsplass?
• Kva likar du godt å gjere når du jobbar og/eller når du har fri?
• Når har du følt trivsel og meistring i skule- eller yrkessamanheng?

Velkommen til samtale!