For å førebu deg til prøva kan det vere lurt å øve på gjennomføring av prøva. Dei siste månadane kan du gjere arbeidsoppgåvene som om det var ei fagprøve, slik at du får øvd deg på gjennomføringa.
Reglar for gjennomføring av prøva
Det er viktig at du gjer deg kjent med reglane som gjeld for gjennomføring av prøva. Reglane finn du i opplæringsforskrifta §§ 9-55 til 9-69. Sjå spesielt på § 9-60 som inneheld reglar for innhald i og omfang av prøva.
Prøvenemnda forutsett at du kjenner til kompetansemåla i læreplanen. Om du er usikker på innhaldet i kompetansemåla bør du snakke med lærebedrifta di for å få avklart dette. Praksiskandidatar kan kontakte fylkeskommunen dersom dei har spørsmål angåande kompetansemåla i læreplanen.
Du finn meir informasjon om fagprøva og prøvenemnda på Udir sine heimesider.