1 Ansvar for opplæring i bedrift
Møre og Romsdal fylkeskommune har ansvaret for vidaregåande opplæring. Opplæringa på Vg1 og Vg2 nivå foregår normalt på skole, Vg3 i bedrift.
Seksjon opplæring i bedrift i Kompetanse- og næringsavdelinga har ansvaret for fagopplæringa i fylkeskommunen.
Seksjonen skal mellom anna:
- rekruttere lærebedrifter
- godkjenne lærebedrifter og faglege leiarar
- kontrollere at lærebedriftene oppfyller krava i loven
- godkjenne kontraktar om opplæring
- utbetale tilskot til opplæring
- godkjenne endringar i læretid
- bidra i saker der det er utfordringar i læretida
- rettleie lærebedrifter og kandidatar med opplæring i bedrift
- oppnemne og følgje opp prøvenemnder
- godkjenne og administrere oppmelding og gjennomføring av praktisk prøve
- utstede fag- og sveinebrev og vitnemål
Informasjon om fagopplæring, søknadsskjema og malar ligg på mrfylke.no
Det ligg også informasjon på Utdanningsdirektoratet sine sider
Vigobedrift
Alle godkjente lærebedrifter blir registrert i VigoBedrift. Dette er nettstaden for kommunikasjon der lærebedrifta og/eller samarbeidsorganet mellom anna kan hente oversikt over søkarar til læreplass, registrere status på søkarar, skrive lærekontrakt, registrere gjennomførte halvårssamtalar og finne oversikt over utbetalt tilskot. Brukarrettleiing ligg her