Tildeling av prøveoppdrag
Dialogen mellom fylkeskommunen og prøvenemnder om prøveoppdrag går via Vigo Bedrift. Prøvenemndskoordinator fordeler prøvene til sine medlemmer. Ta kontakt med fagopplæringskontoret i fylket for å få tilgang.
1. Førebu prøva
Habilitet og teieplikt
Vurder habiliteten din. Ta kontakt med leiar i nemnda eller med fylkeskommunen om du er i tvil.
Opplysningar om kandidatar og prøvestad er underlagt teieplikt. Teieplikta gjeld også etter at prøva er avlagt.
Planlegge prøva
Prøvenemnda
- skal godkjenne prøvestad og avtale tid for prøva
- skal informere kandidaten skriftleg om tid og stad for prøva
- kan be om intern plan for opplæring (gjeld lærlingar)
- kan ved behov besøke lærebedrifta i forkant av prøva
Utarbeide prøve og vurderingskriterium
- Prøvenemnda bestemmer innhaldet i prøva, men lærebedrifta kan kome med forslag. Prøva skal vere i samsvar med læreplanen i faget og eventuell intern opplæringsplan.
- Kandidatane kan bli testa i alle kompetansemåla i læreplanen. Lærekandidatar og praksisbrevkandidatar blir prøvd ut i utvalte kompetansemål.
- Prøvenemnda utarbeider vurderingskriterium som skal følgje med oppgåva.
Les meir om å lage og vurdere fag- og sveineprøvar (udir.no)
2. Gjennomføring av prøva
Møte mellom kandidaten og prøvenemnda
Prøva startar med eit møte mellom kandidaten og heile prøvenemnda. Møtet skal normalt haldast på prøvestaden, men kan gjennomførast digitalt dersom prøvenemnda i samråd med fylkeskommunen og kandidaten finn at det er forsvarleg.
I møtet:
- Kanditaten viser fram legitimasjon, og prøvenemna viser ID-kort.
- Oppgåva blir delt ut.
- Prøvnemnda skal sikre at kandidaten har forstått oppgåva, og kandidaten må få høve til å stille oppklarande spørsmål.
- Prøvenemnda sikrar at eventuelle vedtak om tilrettelegging blir følgde.
Under gjennomføring av prøva
- Prøvenemnda skal vere tilgjengeleg i prøveperioden. Nemnda skal observere kandidaten i arbeidet for å få eit godt vurderingsgrunnlag.
- Kandidaten skal kjenne til kva som skal leverast/visast til prøvenemnda.
- Digital innlevering skal brukast der det er egna.
Alle hjelpemiddel som er brukt under læretida, er tillatne.
Vurdering
- Kompetansemåla frå læreplanen dannar grunnlag for vurderinga.
- Kandidaten skal ikkje vurderast i noko som ligg utanfor læreplanen for faget.
- Vurderinga skal gjerast etter ein tredelt skala:
- «bestått meget godt»
- «bestått»
- «ikkje bestått»
- Leiar og medlem i prøvenemnda må vere til stades ved prøvens slutt.
3. Etter prøva
Dokumentasjon og protokoll
- Prøvenemnda må dokumentere alt arbeidet ho gjer med prøvegjennomføringa og føre protokoll i Vigo Bedrift.
- Prøveprotokollane skal vere utfyllande og gi eit godt bilete av gjennomføringa av prøva.
- Det kan vere noko etterarbeid i samband med prøvegjennomføringa. Honorar til prøvenemndsmedlemmene er meint å dekkje for- og etterarbeid.
4. Klagehandsaming ved resultat «ikkje bestått»
Kandidaten har klagerett på vurderinga «ikkje bestått».
- Klagefristen er tre veker frå kandidaten har motteke skriftleg informasjon om resultatet frå fylket.
- Ved karakteren «ikkje bestått», skal prøvenemnda sørge for at prøvearbeidet, i den grad det er mogeleg, blir bevart slik kandidaten leverte det frå seg. Dersom det ikkje er mogeleg å ta vare på prøvearbeidet, må prøvenemnda likevel sikre at prøvearbeidet kan dokumenterast. Den kan for eksempel lage ei nøyaktig skildring av prøvearbeidet. Det kan også vere nyttig å ta i bruk foto og video som dokumentasjon.
- Følgande skal returnerast til fylket:
- signert protokoll (Vigo Bedrift)
- skriftleg grunngjeving for prøvenemnda si sluttvurdering
- oppgåvetekst
- prøvenemnda sine vurderingskriterium
- kandidaten sin planleggingsdel
- kandidaten si vurdering av eige prøvearbeid
- utfylt tilleggsprotokoll (DOCX, 57 kB)
5. Registrere honorar og reiserekningar
Så snart oppdraget er utført, må du registrere honorar og utlegg i ei reiserekning. Dersom du deltek i handsaming av klage, må du registrere eit eige honorar for dette.
Meir om fag-, sveine- og kompetanseprøver
Sjå meir om fag-, svenne- og kompetanseprøver
Lover og forskrifter
Opplæringsforskrifta – Individuell vurdering, kapittel 9, frå § 9-55 (lovdata.no)
Opplæringsforskrifta – Klage på vurdering, kapittel 10 (lovdata.no)