Planlegge prøva
Før prøva må prøvenemnda vurdere sin habilitet. Prøva blir som regel gjennomført i bedrifta der kandidaten har hatt opplæring, eller eventuelt på ein prøvestasjon. Praksiskandidatar må sjølv finne prøvestad, men det er vanlegvis på arbeidsstaden.
Prøva skal som hovudregel bli gjennomført før læretida er ferdig, og ikkje tidlegare enn tre månader før læretida er ferdig. Praksiskandidatar kan gjennomføre prøva etter avtale med prøvenemnda sidan dei ikkje har læretid.
Når koordinator i prøvenemnda mottar godkjent oppmelding fordelar koordinatoren prøva i nemnda. Leiar på prøva vil då så raskt som mogleg ta kontakt med lærebedrift og kandidat for å avtale tidspunkt. Prøvenemnda sender stadfesting av tidspunkt for gjennomføring av prøva, og anna informasjon som er relevant for prøva i faget. Om behov kan prøvenemnda besøke lærebedrifta i forkant av prøva. Så snart prøvedato er avtalt legg leiar inn prøvedato i Vigo Bedrift.
Prøva består av fire delar:
- Planlegging
- Gjennomføring
- Egenvurdering
- Dokumentasjon
Prøvenemnda bestemmer innhaldet i prøva, men lærebedrifta kan kome med forslag. Kandidatane kan bli testa i alle kompetansemåla i læreplanen, med unntak av lærekandidatar og praksisbrevkandidatar som berre skal bli prøvd ut i utvalte kompetansemål.
Prøvenemnda skal bruke mal for fagprøve:
Mal for fagprøve på nynorsk (DOCX, 59 kB)
Mal for fagprøve på bokmål (DOCX, 60 kB)