Treng du PC til skolestart?
Du kan leige elev-PC frå fylkeskommunen gjennom PC-ordninga eller bruke eigen PC.
PC-ordninga
Dersom du ønskjer å leige PC frå fylkeskommunen, får du ein berbar PC med tre års garanti og tre års uhellsforsikring. Beløpet du betalar i leige, kan du få dekka av Statens lånekasse (ustyrsstipend). Etter tre år er PC-en din. Kva PC-modell du kan velje, kjem an på utdanningsprogrammet. Du vel modell og bestiller PC samtidig med elevregistreringa. Svarfristen for PC-ordninga er 1. september.
Eigen PC
Dersom du vel å takke nei til å nytte deg av PC-ordninga, og heller vil skaffe deg eigen PC, må du sette deg inn i systemkrav og kva reglar som gjeld for service og forsikring. Tilbodet om å leige PC frå fylkeskommunen gjeld berre elevar i VG1, og du kan ikkje gå søke om dette etter fristen.
Programvare
Elevar får gratis tilgang til programvare som er nødvendig i undervisninga, inkludert verktøya i Microsoft 365.
Elev-PC for vaksne
Vaksne som startar opplæring må ha berbar datamaskin. Har du ikkje nytta deg av PC-ordninga før, kan du velje å kjøpe elev-PC frå fylkeskommunen. Tilbodet kan berre nyttast ein gong og gjeld berre vaksne som har fått plass og takka ja til våre tilbod om opplæring for vaksne.
Gå til skolestart-sidene for å lese meir om PC-ordninga, modellar, prisar og bestilling