Type personopplysningar og behandling
Når du søker om plass i vidaregåande skole, må fylkeskommunen ha informasjon om karakterar og anna frå grunnskolen for at inntaket skal bli rett. Denne informasjonen blir henta frå den kommunen du gjekk ut av grunnskolen (10. trinn) og blir brukt som grunnlag for å tildele skoleplass i vidaregåande. Dette blir gjort i VIGO, som er fylkeskommunane sitt inntakssystem.
Opplæringslova er det overordna rettslege grunnlaget for behandling av personopplysningar om elevar i vidaregåande skole for dei måla som er nemnt her. Når du har fått og akseptert skoleplass, blir informasjon om deg overført til Visma InSchool (VIS), som er fylkeskommunane sitt skoleadministrative system. Skolen du skal gå på, får tilgang til denne informasjonen.
Så lenge du går i vidaregåande skole, blir informasjonen om deg brukt til å legge til rette for læring, rapportering til myndigheiter og dokumentasjon. Grunnlaget for at fylkeskommunen lagrar desse opplysningane om deg finst i opplæringslova og forskrift til opplæringslov. Du loggar på via FEIDE for å få tilgang til system via skolen. Feide er ei løysing for sikker pålogging.
I løpet av skoletida blir det lagra informasjon om læringa di og hendingar på skolen. Nokre data, for eksempel karakter, blir lagra for alltid, medan andre data blir oppbevart kortare. Det som bli lagra om deg er informasjon som er nødvendig for gjennomføring av opplæringa.
Du kan lese meir om dine rettigheiter og samtykke i personvernerklæringa for opplæring.