Erasmus+ er hovudordninga
Det meste av internasjonalt arbeid i vidaregåande skole er finansiert gjennom Erasmus+. Over halvparten av dei vidaregåande skolane i Møre og Romsdal har eigen Erasmus+ akkreditering og driv eigne prosjekt.
For skolar utan eiga akkreditering søker fylkeskommunen årleg om midlar på vegner av skolane. Slik kan alle vidaregåande skolar i fylket delta i internasjonale aktivitetar.
Strategiske satsingar
Fylkeskommunen brukar også Erasmus+ for å utvikle utdanningstilbodet. Eit eksempel er Erasmus+ LeaderSHIP, der fylkeskommunen samarbeider med europeiske partnarar om kompetanse for framtidas maritime næring.
Elevar frå Spjelkavik vgs., Nederland og Belgia i Erasmus+ prosjekt. Bildet er tatt i byen Ieper, Belgia våren 2022.
Spjelkavik vgs
Vg2 i Skottland
Alle elevar som går studiespesialiserande kan ta heile Vg2 i Skottland. Du får internasjonal erfaring og kjem tilbake for å fullføre Vg3 i Noreg.
Haram vidaregåande skole administrerer ordninga for heile fylket.
Les og søk om Vg2 i Skottland (haram.vgs.no)
Nordplus
Nordplus støttar tiltak som utviklar og styrker utdanningssamarbeidet i Norden og Baltikum. Gjennom ordninga kan vidaregåande skolar søkj støtte til førebuande besøk, samarbeidsprosjekt og elev- og lærarmobilitet.
Vidaregåande skolar kan søkje midlar gjennom Nordplus Junior. Les meir og søk midlar (nordplusonline.org)
Kompetanseheving for tilsette
Tilsette på skole kan reise på kompetansehevande tiltak som jobbskygging, hospitering, førebuande besøk eller faglege kurs til andre land i Europa. Dette blir organisert av skolen.
Tilsette på opplæringskontor, faglege leiarar og instruktørar i lærebedrifter kan delta i kompetanseheving gjennom Læretid i Europa.