IKT-reglement

Reglementet skal fremje god samhandling, god orden og gode arbeidsvanar. Det skal bidra til stabilt og sikkert driftsmiljø, eit godt og trygt skole- og arbeidsmiljø, og god IKT-sikkerheit og personvern i skolekvardagen for elevar i MRFK

Reglementet regulerer elevane sine rettar og plikter ved bruk av skolen sin IKT-infrastruktur og digitale ressursar. Reglementet gjeld også for bruk av dei digitale ressursane til skolen når du ikkje er på skolen sitt område, også utanfor skoletida.

IKT-reglementet er ein del av skolereglane, og brot på regelverket vil bli vurdert etter skolereglane.

Brot på reglementet i særlege tilhøve føre til erstatning- og/eller straffeansvar. Alvorlege brot på reglementet blir rapportert til skoleleiinga. Mistanke om lovbrot kan bli meldt til politiet.

MRKF er ikkje ansvarleg for tap av data, bortfall av digitale ressursar eller andre tap som skuldast svikt i interne eller eksterne datatenester.

Fylkeskommunen/skolen har ikkje ansvar for private datamaskiner eller anna privat datautstyr.

MRFK kan gjere endringar i datatenester som har innverknad på brukaren

• MRFK tildeler deg ein personleg brukarkonto.
• MRFK gir deg brukarstøtte
• MRFK gir deg innsyn i data, og retten til å trekke samtykke tilbake der det er grunnlag for behandlinga av opplysningar om deg
• MRFK gir deg rett til å bruke PC-ordninga, avgrensa til eitt år
• MRFK gir deg rett til låne-PC når eigen PC er innlevert til service

• Du skal bruke skolen sine digitale ressursar til arbeid knytt til opplæring.
• Det er ditt ansvar at PC/MAC fungerer som den skal og kan brukast på det trådlause nettet til skolen.
• Du skal sørge for at eige datautstyr til ei kvar tid har installert oppdatert og aktivert programvare for handtering av virus og skadeleg programvare.
• Du er sjølv ansvarleg for lagring og sikkerheitskopiering av eigne datafiler.
• Du skal bruke digitale ressursar på ein god måte, som ikkje er i strid med opphavsretten eller åndsverklova.
• Du er personleg ansvarleg for rettslege og økonomiske krav som rettshavarar måtte fremje ved bruk, eller distribusjon av materiale utan løyve. Dette gjeld også nedlasting og bruk av piratkopiert programvare.
• Du er sjølv ansvarleg for at IKT-bruken under prøver og eksamen er i samsvar med retningslinene for tillatne hjelpemiddel, og at moglegheit for kommunikasjon ikkje vert nytta utan at det er gitt særskilt løyve til det.
• Du har berre lov å legge ut/dele bilder eller video av ein eller fleire personar dersom det er innhenta samtykke til dette. Dersom samtykket blir trekt tilbake må innhaldet fjernast.
• Du skal melde frå på skolen dersom du ser noko ulovleg. Dette gjeld både ulovleg materiale eller brot på rettar.
• Du skal nytte 2-faktorautentisering på alle IT-tenester der du nyttar fylkeskommunen sin brukarkonto og der IT-tenesta støttar dette.
• Kontakt lokal IT-support dersom du får datatrøbbel.
• Logg alltid av/lås PC når du forlèt den.
• Du har ikkje lov til å
  • framsette truslar og hets, utøve mobbing, diskriminering eller opptre på rasistisk vis, jf. § 5.1 i skolereglane. Dette gjeld både publikasjon/kommunikasjon på nettstader og sending av tekst, bilder eller film på mobiltelefon/nettbrett.
  • gjennomføre tiltak for å skjule identiteten din når du brukar IKT-infrastrukturen eller dei digitale ressursane.
  • gjennomføre tiltak for å manipulere plasseringa av arbeidsstasjonen (IP-adresse) din på skolen sin IKT-infrastruktur og digitale ressursar.
  • overvake elevnettet for å fange opp digital informasjon eller utføre aktivitetar som grip inn i drifta av elevnettet.
  • kopiere eller bruke programvare, eller andre ressursar som er stilt til rådigheit av MRFK, utan å ha forsikra deg om at dette er i samsvar med lisens- eller abonnementsvilkåra. Du skal berre bruke programvare/nettsider som IT-avdelinga har godkjent.
  • dele kontoen din med andre. Du må endre passordet ditt om du mistenker at passordet er kjent for andre: https://brukerid.mrfylke.no/
  • opne vedlegg eller lenker i e-post eller SMS frå ein sendar du ikkje kjenner, eller med eit innhald som verkar useriøst eller uforståeleg. Kontakt IT-avdelinga i MRFK omgåande dersom du har opna usikre vedlegg.
• Du skal halde deg kjent med endringar i IKT-reglementet.

Datatrafikk blir logga av MRFK for å administrere systemet på ein forsvarleg måte, sikre forsvarleg drift. Ved konkrete mistankar om straffbare handlingar, eller brot på regelverket, kan MRFK gå inn i innhald i brukarkontoar. MRFK vil ikkje utlevere loggar til andre med mindre dette er pålagt av rettsvesen, gjennom lov eller dom.

MRKF kan gjennomføre elektronisk kontroll ved digitale prøver og eksamen. Bruk av ikkje tillatne hjelpemiddel, f.eks. andre sine dataressursar og kommunikasjon under prøver og eksamen vil normalt vere definert som fusk eller forsøk på fusk. Det same gjeld innlevering av arbeid som ikkje er ditt produkt, jf. skolereglane.

MRFK kan stenge for utvalde IT-tenester dersom desse tenestene går ut over kapasiteten til pedagogiske tenester. Tilgang til dei primære IT-tenestene vil alltid bli prioritert.

MRFK kan sette i verk tiltak for å avgrense bruken av opne dataressursar ved å stenge for tilgang i elevnettet. Dette kan vere spelsider, sider med pornografisk innhald, sider med rasistisk innhald, nedlasting av musikk og video, og sider med underhaldning.

Den som sluttar som elev i MRFK skal rydde kontoen sin. Når du sluttar som elev i MRFK vil brukarkontoen og tilhøyrande data bli sletta. Tilgangar til digitale ressursar blir fjerna Du har sjølv ansvar for å lagre personlege data frå desse tenestene.

Utstyr og tilhøyrande programvare som høyrer til MRFK skal leverast tilbake.

Elevnettet: Den delen av datanettverket som elevane koplar seg på med sine pc-ar

Datatenester: Kommunikasjonsressursar (t.d. elevnettet) og utstyr (t.d. serverar).

Digitale ressursar: Programvare, læringsressursar, e-post, web-baserte datatenester (læringsplattform), m.m. Dette omfattar både ressursar som MRFK stiller til rådevelde og eigne ressursar (t.d. filer og dokument).

Brukarkonto: Ein digital ressurs som gir eleven eit brukarnamn og passord for å få tilgang til ulike IT-tenester.

IKT-infrastruktur: alt utstyr, digital informasjon, informasjonssystem og tenester som blir brukt til informasjonsbehandling og kommunikasjon.

Arbeidsstasjon: alt fysisk utstyr, som f.eks. pc, mac, mobil, nettbrett