Melde avvik

Her finn du informasjon om kva som er rekna som avvik og korleis du går fram for å melde inn avvik på skolen.

Korleis melde inn eit avvik?

Elevar, foreldre og samarbeidspartnarar melder om avvik på e-post til skolen. Gi ei så god skildring av hendinga som mogeleg utan å nemne personsensitive opplysningar. Få med avviksdato og tidspunkt. Ta gjerne med forslag om tiltak til forbetring.

Oversikt over alle dei videregåande skolane våre finn du her. 

Kva skjer vidare?

Avviksmeldinga blir ført i postmottaket og deretter registrert i kvalitetssystemet vårt så snart som mogeleg. Den som er ansvarleg for behandling av avviket, sender det vidare, eller tildeler tiltak som skal utførast for å lukke avviket. Ved melding om avvik som medfører store konsekvensar, blir rektor involvert.

Når du melder inn avvik, vil du få tilbakemelding om behandlinga av avviket på e-post.

  • Kva er eit avvik?

    Avvik er brot på lover, reglar eller rutinar, og andre hendingar som ikkje blir rekna som ønskjeleg i skolekvardagen. Formålet med å melde avvik, er å lære av feil, unngå at det skjer på nytt og slik førebygge skadar og ulykker.

    Avvik kan vere knytt til fysisk miljø som luftkvalitet, temperatur, lys, stråling, lyd, manglande vernetiltak eller verneutstyr, og arbeidsbelastning. Du skal alltid melde i frå om skadar, ulykker og nestenulykker.