Minoritetsspråkleg søkar

Informasjon til ungdom mellom 16 og 24 år som har eit anna morsmål enn norsk eller samisk.

Rett til vidaregåande opplæring

Du har rett til vidaregåande opplæring i Møre og Romsdal dersom du har

  • lovleg opphald i Noreg, med folkeregistrert adresse i Møre og Romsdal
  • fullført grunnskole i Noreg eller dokumentasjon på grunnskole i utlandet i minst 9 år, oversett til norsk eller engelsk av godkjent translatør

Dersom du ventar på svar på søknad om opphaldsløyve, har du rett til vidaregåande opplæring ut det året du fyller 18 år. Dersom du får avslag på søknaden, har du rett til vidaregåande opplæring fram til datoen avslaget trer i kraft.

Søknad til vidaregaånde opplæring

  • Søknadsfristen til vidaregåande opplæring er 1. mars. 
  • Søknadsfristen er 1. februar dersom
    • du har vedtak om særskild språkopplæring
    • du nyleg har kome til Noreg,
    • eller søker om invividuell behandling
  • For å søke inntak til vidaregåande opplæring må du ha BankID eller MinID for å logge inn i søknadsportalen på vigo.no. 
  • Dersom du ikkje har BankID eller MinID, kan hjelpeinstans kontakte Møre og Romsdal fylkeskommune v/inntaksseksjonen for å få tilsendt brukarnamn og passord.

Overgangstilbod 2025-2026 - meir grunnskoleopplæring

Tilbodet gjeld minoritetsspråklege som har behov for meir grunnskoleopplæring/forbetre vitnemålet for å kunne fullføre vidaregåande opplæring. Søkar må:

  • vere mellom 16-24 år
  • ha eit anna morsmål enn norsk eller samisk
  • ha lovleg opphald i Noreg og vere busett før 01.01.2024
  • ha rett til vidaregåande opplæring (fullført grunnskole)

Dette tilbodet er ikkje eit begynnarkurs i norsk, og søkar må derfor beherske norsk i så stor grad at han kan følge undervisninga. Søkar kan likevel ha rett til særskilt språkopplæring. 

Overgangstilbodet finst ved desse skolane: 

  • Ulstein vgs
  • Kristiansund vgs
  • Hustadvika vgs

Søknad

Følgande dokumentasjon må følge søknaden: 

  • Vitnemål frå fullført grunnskole i Noreg eller vitnemål på fullført grunnskole i utlandet i minst 9 år, oversatt til norsk eller engelsk av godkjent oversetter.
  • Kvittering på søkt fornya opphald eller stadfesting på at søkar er omfatta av kollektiv beskyttelse (Ukraina).
  • Enkeltvedtak om rett til særskilt språkopplæring frå grunnskole eller vidaregåande skole, med kartleggingsresultat.

Det er hjelpeinstans som skal fylle ut og sende inn søknaden. 

Gå til søknadsskjema

Informasjonshefte

Last ned heftet Informasjon om tilbod i vidaregåande opplæring for minoritetsspråklege søkarar (pdf (PDF, 297 kB))

Har du spørsmål?