Utvekslingselev

For at Vg1 og/eller Vg2 og/ eller enkeltfag i utlandet skal godkjennast må opplæringa i utlandet vere likeverdig eller meir omfattande enn opplæringa etter læreplanverket i Noreg.

I praksis betyr dette følgjande for elevar som ønsker å ta Vg2 i utlandet:

• Eleven må fullføre og bestå skoleåret slik reglane er på den aktuelle studiestaden.
• Fellesfag og obligatoriske programfag som er avsluttande på Vg2 i Noreg må godkjennast som likeverdige eller meir omfattande. 
  
  Dette gjeld følgjande fag på dei ulike utdanningsprogramma:
  
  Studiespesialisering
  Matematikk (minimum 2P) og framandspråk
  Programfag (som ein kan byggje vidare på og få godkjent når ein kjem tilbake til Noreg)
  Idrett
  Matematikk (minimum 2P) og framandspråk
  Samfunnskunnskap og geografi
  Obligatoriske programfag
  Ein kan måtte ta fleire fag som privatist for å få Vg2 godkjent
  MDD
  Matematikk (minimum 2P) og framandspråk
  Samfunnskunnskap og geografi
  Obligatoriske programfag
  Ein kan måtte ta fleire fag som privatist for å få Vg2 godkjent

Eleven må levere dokumentasjon frå utvekslingsåret til skolen for å få året eller fag godkjent. Det må dokumenterast at skoleåret er fullført og bestått, og det må innehalde oversikt over fag, med karakterar og timetal.

Før ein drar
Det er skolen ein går på i Noreg som bestemmer om utvekslingsåret blir godkjent eller ikkje. Ta derfor tidleg kontakt med rådgivar på skolen. Ein treng ei førehandsgodkjenning frå skolen før ein drar. I tillegg er det viktig å sikre seg skoleplass når ein kjem tilbake til neste skoleår i Noreg. Dette gjer ein ved å fylle ut skjema om reservert skoleplass NB: Ein må likevel søke om skoleplass innan 1. mars i Vigo. 

Lånekassen
Ein kan søke om stipend og lån frå Statens lånekasse for utdanning. Send med utfylt skjema for godkjenning av skoleåret i utlandet og stadfesting på kva for organisasjon ein er tilknytta. Meir informasjon finn ein på lånekassen si heimeside 

Når ein er i utlandet
Hugs å søke om skoleplass for neste skoleår på Vigo innan 1. mars. Ein treng minID.
Hugs å velje programfag for neste skoleår. Skolen i Noreg gir informasjon og må kunne kontakte eleven via epost om dette. 
Hugs å få med nødvendig dokumentasjon som karakterutskrift og tal på timar per veke i dei ulike faga frå skoleåret i utlandet, i tillegg til dokumentasjon på at ein har fullført og bestått skoleåret.