Deltakaren får opplæring tilpassa den erfaringa og kunnskapen ein allereie har. Opplæringa skjer i modular, og deltakaren kan kombinere opplæringa med jobb og andre omsyn – framdrift er individuell.
Fordelar med modulstrukturert opplæring
• Tilpassa veg til fag- eller sveinebrev
• Arbeidsgivar kan kvalifisere eigne tilsette og får økonomisk støtte ved lærekontrakt
• Ein fast kontaktperson i fylkeskommunen bistår i opplæringa
Lærefag
Møre og Romsdal fylkeskommune tilbyr fagopplæring i dei øvste lærefaga, enten gjennom avtale om alternativt opplæringsløp eller lærekontrakt. Opplæring i dei andre faga er mogleg så lenge godkjent lærebedrift tar inn kandidaten.
- Helsearbeidar
- Reinhaldsoperatør
- Sal
- Kokk/ernæringskokk
- Røyrleggar
- Betong
- Fiske og fangst
- Produksjonsteknikk
- Gjenvinning
- Snikkar med fordjuping
- Maler- og overflateteknikk
- Blomsterdekoratør
- Bunadstilverkar
- Handvevar
Slik fungerer det
1. Deltakaren søker på vigo.no
2. Fylkeskommunen v/ressurssenteret gjennomfører realkompetansevurdering og lagar ein plan for opplæringa
3. Det blir skrive lærekontrakt eller avtale om alternativt opplæringsløp
4. Opplæringa skjer hovudsakleg i bedrift, eventuelt på vidaregåande skole
5. Førebuande kurs i norsk eller grunnleggande ferdigheiter i faget kan vere aktuelt før opplæring startar
Ansvar og organisering
Opplæringsstaden har ansvar for opplæringa i samarbeid med fylkeskommunen. Fylkeskommunen har ansvar for vurdering i samarbeid med opplæringsstaden. Kandidaten blir meldt opp til fagprøve ved slutten av opplæringa.