Ofte stilte spørsmål

Du kan kun søke om opplæring i dei faga som fylkeskommunen tilbyr. Oversikta over fag finn du her. 

Er du tilsett i ei bedrift og ønsker fagbrev i eit anna fag, kan du ta kontakt med seksjon Opplæring i bedrift.

Modulstrukturert opplæring for vaksne kan starte fortløpande. 

Andre yrkesfag og fag for studiekompetanse blir normalt starta opp i august/september og januar/februar. 

Du kan søke om opplæring når som helst i løpet av året, men

• Du bør ha søkt innan 1. mars for oppstart august/september
• Du bør ha søkt innan 1. oktober for oppstart i januar/februar

Vi har fire ressurssenter i Møre og Romsdal som ligg ved vidaregåande skolar;  Romsdal vgs, Borgund vgs, Kristiansund vgs og Ørsta vgs.

Ressurssentera samarbeider med alle dei vidaregåande skolane i fylket.

Kvart ressurssenter har rettleiarar som vil hjelpe deg på vegen mot din sluttkompetanse.

Opplæringa kan også skje gjennom Nettskolen Møre og Romsdal. 

Vaksne som startar opplæring må ha berbar datamaskin. Har du ikkje nytta deg av PC-ordninga før, kan du velge å kjøpe elev-PC frå fylkeskommunen. Tilbodet kan berre brukast ein gong og gjeld berre vaksne som har fått vedtak, og har takka ja til våre tilbod om opplæring for vaksne. Meir informasjon om tilbodet finn du på skolestart.mrfylke.no

Sluttkompetanse i den vidaregåande opplæringa er enten studiekompetanse, fag-/sveinebrev (eksempel tømrer, barne- og ungdomsarbeidar, helsefagarbeidar), eller yrkeskompetanse etter tre år på skole (eksempel helsesekretær, tannhelsesekretær).

Vaksne over 24 år, som går i løp tilrettelagt for vaksne etter kap. 18 i opplæringslova, har ikkje rett på gratis skoleskyss.

Er du mellom 19 og 24 år så kan du ha rett til gratis skoleskyss ut det skoleåret som tar til det året du fyller 24 år, dersom du oppfyller følgande krav:

• Du må ha meir enn 6 kilometer avstand mellom heim og opplæringsstad
• Dersom du på grunn av skade, sjukdom eller funksjonshemming har behov for skyss, kan du få det uavhengig av avstanden mellom bustad og opplæringsstad
• Dersom det er nødvendig med båt- eller ferjetransport, utan omsyn til reiselengde mellom bustad og opplæringsstad

Du må sjølv søke kvart år for å få tilbod om gratis skyss.

Rett til støtte frå Statens lånekasse kjem blant anna an på omfanget av opplæringsløpet ditt. Les meir om dette på nettsidene til lånekassa.