Prisar for tannbehandling

Takstar for behandling av betalande klientell i den offentlege tannhelsetenesta i Møre og Romsdal

• Takstplakat - Prisar for dei mest vanlege tannbehandlingane
• Taksthefte - Takstar for behandling av betalande klientell

Informasjon om takstane

Dei aller fleste tilfelle nyttast det stykkpris på tannbehandlingar.  I nokre tilfelle kan timehonorar nyttast, til dømes ved meir tidkrevjande eller komplisert tannbehandling.

Du får skriftleg kostnadsoverslag dersom behandlinga blir dyrare enn 5000 kr. Dersom behandlinga blir gjort i ein seanse vil dette vere munnleg. 

Ved akuttutrykking utanom ordinær arbeidstid aukar honoraret med 75 prosent.

Frå det året du fyller 19 år og ut det året du fyller 28 år, kan du ha rett på nødvending tannbehandling til 75 prosent rabatt i den offentlege tannhelsetenesta - av honorartakstar fastsette av Helse- og omsorgsdepartementet.

Les her om takstar og kva du skal gjere for å få rabatt. 

Fleire pasientgrupper har rett til gratis eller rabattert tannbehandling hos den offentlege tannhelsetenesta, blant anna;

• Barn og unge frå 0-18 år,
• psykisk utviklingshemma over 18 år,
• eldre, uføre og kronisk sjuke med opphald i institusjon,
• og andre prioriterte pasientgrupper.

Les meir om kva for pasientgrupper som har rett til gratis eller rabattert tannbehandling

For timebestilling, endringar av time eller spørsmål om tannbehandling - ta kontakt med din nærmaste tannklinikk.

Den offentlege tannhelsetenesta har teke i bruk ei betalingsløysing via mobil, frå Front Payment.

Vaksne betalande pasientar vil etter timeavtale få tilsendt ein SMS frå Front Payment, der ein sjølv kan velje om ein vil betale med kort, Vipps eller eFaktura.
Ein kan òg velje å betale seinare, mot eit gebyr.

Som hovudregel må vaksne betale utgiftene til tannbehandling sjølve. Det finst likevel nokre definerte sjukdomar eller tilstandar der folketrygda, via Helfo, dekkjer delar av utgiftene til tannbehandling. Det er tannlegen som vurderer om du har rett på slik støtte. Les meir på www.helsenorge.no.

Vaksne med avgrensa økonomi kan få støtte frå NAV til tannbehandling (jf. økonomisk sosialhjelp). Les meir på www.nav.no, eller ta kontakt med ditt lokale NAV-kontor.