Kven kan få gratis skoleskyss?
- Du har meir enn 4 km avstand mellom heim og skole. For førsteklassingar er avstanden 2 km. *
- Du på grunn av funksjonshemming, skade eller sjukdom har behov for skyss, uavhengig av avstanden mellom bustad og skole.
- Du har særleg farleg eller vanskeleg skoleveg, uavhengig av veglengde mellom bustad og skole. Kommunen gjer ei vurdering dersom avstanden er under skyssgrensa
- Det er nødvendig med båt- eller ferjetransport, uavhengig av reiselengde mellom bustad og skole
Ordninga dekker ikkje
- Skyss i samband med SFO og leksehjelp
- Transport i samband med ekskursjonar og andre aktivitetar i skoletida, samt utplassering i ungdomskole.
- Reiser på ferie- og fridagar.
Sjekk avstand frå heim til skule
Avstanden er rekna ut frå Møre og Romsdal fylkeskommune sine kartdata, og kortaste veg frå eleven si bustadadresse til eleven sin skole.
Slik søker du
Eleven eller føresette fyller ut søknadskjemaet om skoleskyss leverer dette til skolen. Har eleven delt bustad må skjema for stadfesting om delt bustad bli levert saman med søknaden.
Last ned søknad om gratis skoleskyss (PDF, 138 kB)
Eventuelle vedlegg til søknaden
Legeerklæring (PDF, 513 kB)
Stadfesting vaksenopplæring: For vaksne elevar som søkjer om tilrettelagt skoleskyss (PDF, 116 kB)
Stadfesting om delt bustad (PDF, 206 kB)
Andre spørsmål om skoleskyss
Elevar med varig eller kortvarig funksjonshemming, skade eller sjukdom som gir behov for skoleskyss, har rett til skyss uavhengig av avstand. Fylkeskommuen gjer vedtak i slike saker etter at vi har motteke tilråding frå sakkunnig og informasjon frå skolen.
Opplæringslova gjev ikkje skyssrett dersom eleven har tilbod om leksehjelp, eller mottek eit avlastningstilbod før og etter skoletid.
Barn som bur i delt bustad kan ha rett på skyss til to adresser. Det er ikkje krav om absolutt 50/50 omsorgsdeling, men delt bustad skal vere reell og dokumentert. Samværsordning gir ikkje skyssrett. Legg ved skjema for delt bustad med søknaden.
Elevar som er innvilga skoleskyss for første gang, vil få utlevert skoleskysskortet på skolen. Om eleven alt har skoleskysskort, vert dette oppdatert automatisk. Dette er eit elektronisk reisekort som skal registrerast ved kvar påstiging. Ta godt vare på skoleskysskortet, dette skal nyttast alle åra eleven har rett til gratis skoleskyss, både i grunnskole og i vidaregåande skole. Ved feil på kortet, eller ved tap av kortet, ta kontakt med skole.
- Skoleskysskortet gjeld på strekninga mellom bustad og skole.
- Skoleskysskortet gir rett til skyss til og frå skolen ved ordinær start- og sluttid av undervisning.
Oppdatering av kort
Av og til må kortet oppdaterast. Dette gjeld i desse høva:
- Elevar med godkjent søknad om fri skoleskyss må oppdatere skoleskysskortet årleg ved skolestart.
- Ved endringar som ny søknad (endra adresse eller skolestad) eller ny reisemåte (hurtigbåt) må skoleskysskortet oppdaterast på nytt.
- Når du får nytt skoleskysskort må kortet oppdaterast
Det er viktig å ikkje avbryte denne oppdateringa. Vær tolmodig, det kan ta lenger tid enn venta.
Kontakt
Har du spørsmål om skoleskyss, skoleskysskort eller liknande? Send e-post til skoleskyss@mrfylke.no eller ta kontakt med skolen din.
Du bør ikkje sende sensitive personopplysningar i e-post.
For skolen
Gå til Skoleskyssportalen.