Skoleskyss i vidaregåande skole

Skoleskysskortet er eit elektronisk reisekort du skal lese av kvar gong du går om bord på bussen eller hurtigbåten.

Får du innvilga skoleskyss for første gong, får du utlevert skoleskysskortet på skolen. Om du allereie har eit skoleskysskort, blir dette oppdatert automatisk.

Ta godt vare på skoleskysskortet, dette blir brukt alle åra du har rett til gratis skoleskyss.

• Skysskortet gir rett til skyss til og frå skolen i skolen si ordinære starttid og sluttid
• Kortet fungerer som ein billett med to reiser kvar dag, inkludert overgang (éi reise til og éi frå skolen)
• Du kan ikkje bruke kortet i samanheng med ekskursjonar, utplassering eller andre aktivitetar i skoletida
• Gjeld berre på dagar med undervisning på skolen
• Kortet inneheld opplysningar om strekning og reisetid som berre gjeld deg personleg
• Det er ikkje lov å låne ut kortet til andre

Ved tap av kortet, ta kontakt med skolen.

Gløymd kort

Du får vere med om morgonen, sjølv om du har gløymd skoleskysskortet. Du må sjølv ta kontakt med skolen for å få eit midlertidig kort til heimreisa. Utan kort må du betale for heimreisa sjølv.

Misbruk av kortet eller sniking på bussen/hurtigbåten kan medføre gebyr. Kontrollar blir gjennomført.

Oppdatering av skoleskysskort

Av og til treng skoleskysskortet ein oppdatering. Dette gjeld i desse tilfella:

• Elevar med godkjent søknad om gratis skoleskyss må oppdatere skoleskysskortet årleg ved skolestart
• Ved endring i adresse, skolestad eller reisemåte (hurtigbåt)
• Når du får nytt skoleskysskort

Slik oppdaterar du kortet

Oppdateringa gjer du ved å legge kortet på billettlesaren på bussen/hurtigbåten heilt til lesaren lyser grønt eller raudt. Det er viktig å ikkje avbryte denne oppdateringa. Ver tolmodig, det kan ta litt tid.

Elevar som har delt bustad vil vere folkeregistret på ei adresse, sjølv om dei delar tida mellom to heimar. Formålet med skyssreglane og omsynet til barna det gjeld, tilseier at det avgjerande må vere at barnet faktisk bur to stader. For å ha rett til gratis skoleskyss, må opphaldet til eleven hos kvar av foreldra vere ei rimeleg fast, planlagt og regelmessig ordning, og ikkje improviserte enkeltbesøk (sitat frå Udir-2-2019).

Du må levere skjema for bekrefting om delt bustad (PDF, 519 kB) når du søker om skoleskyss. Legg skjemaet ved som pdf i søknaden i skoleskyssportalen. Om dette vert vanskeleg, kan skolen hjelpe deg og opprette søknad til to adresser og legge ved bekreftinga.

Elevar med varig eller kortvarig funksjonsnedsetting, skade eller sjukdom som gir behov for skoleskyss, har rett til dette uavhengig av avstanden. Fylkeskommunen gjer vedtak i slike saker etter at vi har motteke tilråding frå sakkunnig og informasjon frå skolen.

Skolane sender erklæring frå sakkunnig saman med skjema for skyssinformasjon vidare til fylkeskommunen. Vi behandlar søknadar så raskt som råd og iverkset skyss, etter at vi har motteke nødvendige opplysningar.

Opplæringslova gjev ikkje skyssrett dersom eleven har tilbod om leksehjelp, eller mottek eit avlastningstilbod før og etter skoletid.

Søknaden om tilrettelagt skyss, sender du via skolen.