TT- ordninga skal dekke fritidsreiser for brukarar som på grunn av fysisk eller psykisk funksjonshemming har problem med å reise med kollektivtransport.
For kva gjeld TT- ordninga?
TT-ordninga gjeld fritidsreiser som ikkje er betalt av andre, som for eksempel reiser til behandling hos lege/sjukehus. I slik tilfeller er det NAV/Helseforetaka som betalar reisa.
Nye retningsliner
Fylkestinget har vedteke nye retningsliner, gjeldande frå og med 1. januar 2025. (PDF, 942 kB) Og har samstundes vedteke at TT-budsjettet frå og med 2024 blir redusert frå 15 millionar til 10 millionar kroner. Som ein konsekvens av dette må talet på brukarar i ordninga reduserast.
Blir ikkje TT- kortet nytta over ein samanhengande periode på 12 månader, blir godkjenninga som TT-brukar trekt tilbake og kortet sperra. Brukar må då søkja på nytt og setjast på venteliste.
Vær merksam på følgjande som gjeld frå 2024
- Det blir innført eigenandel på 40 kroner per reise frå 1. januar 2024
- TT-kortet kan ikkje brukast til å dekkje eigenandelen
- Eksisterande TT-brukarar må søkje om TT-midlar for 2025 etter dei nye retningslinene
Spørsmål knytt til TT-ordninga rettast til søkjar sin bustadkommune.
Eigen NAV-ordning for arbeids- og utdanningsreiser
Om du har varige flyttingsvanskar og ikkje kan reise til og frå arbeids- eller utdanningsstad med offentlege kommunikasjonsmiddel, kan du hos søke NAV om stønad til arbeids- og utdanningsreiser med drosje.
Les meir om NAV si ordning på deira nettsider.
Slik søkjer du
Det er din bustadkommune som behandlar søknadar om TT-kort. Du sender søknaden til kommunen, saman med legeerklæring som er utfylt av lege.
Retningsliner
Les gjeldande retningsliner for transporttenesta for funksjonshemma i Møre og Romsdal. (PDF, 942 kB)
Søknadsskjema
Informasjon til søkjar på TT-ordning (PDF, 730 kB)
Legeerklæringskjema
Informasjon til lekjar om utfylling av legeerklæring TT-ordning (PDF, 731 kB)
Spørsmål om TT-ordninga
Fylkestinget vedtok i sak T 0046-23 mellom anna nye retningsliner gjeldande frå og med 1. januar 2025 og at TT-budsjettet frå og med 2024 vert redusert frå 15 millionar kroner til 10 millionar kroner. Som ein konsekvens av vedtaket må talet på brukarar i ordninga reduserast.
Ver merksam på følgjande i 2024
• Det blir innført eigenandel på 40 kroner per reise frå 1. januar 2024
• TT-kortet kan ikkje brukast til å dekkje eigenandelen
• Eksisterande TT-brukarar må søke om TT-midlar for 2025 etter dei nye retningslinene
• Spørsmål knytt til innhaldet i ovannemnde rettast til brukar sin bustadkommune.
I dei fleste drosjene vil saldo på kortet komme fram direkte ved å trekke det gjennom taksameteret. Du kan også kontrollere saldoen ved å:
- Gå inn på nettsida: www.rtt.no/tt
- send sms med brukernummer til 404 66 000
- ring 51 90 90 01
Dersom kortet blir skada eller du mistar det, melder du det inn ved å ringe 51 90 90 01. Du kan og kontakt med saksbehandlar i kommunen din. Det gamle kortet vil då bli sperra, og du vil få tilsendt eit nytt kort. Kostnaden for nytt kort vil bli belasta brukarkontoen din.
Dersom kortet ikkje virkar må du betale turen sjøl, og sende følgande så snart som mogeleg etter at turen er køyrd:
- Kvittering
- Informasjon om årsak
- Brukarnummer
- Bankkonto
Dette sender du til: post@rogaland-taxi.no
Ev pr post til: Rogaland Taxi AS, PB 14, 4068 Stavanger
Dersom du er godkjent TT- brukar og flyttar innan Møre og Romsdal, treng du ikkje sende ny søknad. Du må likevel melde frå til saksbehandlar, slik at du blir registrert i rett kommune og i rett brukarsone. Er du godkjent TT- brukar i eit anna fylke, må søke på nytt ved flytting til Møre og Romsdal.