Det blir arrangert fire fysiske samlingar i juni. På dei fysiske samlingane blir aktuelle prosjekt, satsingar og kunnskapsbehov som kommunane sjølv har meldt inn diskutert. Meir informasjon og invitasjon til å sende inn tema vil kommunane få tilsendt i eigen epost.
Målgruppa: Forskingsmiljø og andre aktørar med interesse for forskingsbasert kunnskapsutvikling for og med kommunane.
Formål: Vi vil at møtearenaen skal bidra til å bygge bru mellom kommunar og forskingsmiljø og legge til rette for samarbeid om forsking, innovasjon og kunnskapsutvikling for og med kommunane. Det er ein unik moglegheit for å bli betre kjent med forsking som verktøy for kommunane, dialog om korleis forsking kan bidra til å møte kommunanes utfordringar og moglegheiter og innsikt i verkemiddel og støtte for forsking i kommunane.
Stad og dato for samlingane:
- Volda – måndag 2. juni på møterom Vekselstrøm, Hans Strøm-huset, Høgskulen i Volda.
- Kristiansund – onsdag 4. juni på Campus Kristiansund.
- Ålesund – torsdag 5. juni på Smia (rom 1401), Sundebygget, NTNU Ålesund.
- Molde – fredag 6. juni på InnbyggerLaben Innom, Storgata 44, Molde.
Tid: 10.00-12.00. Etter samlingane (frå kl. 12.00) spanderer vi felles lunsj på deltakarane. Her blir det moglegheiter for å bli endå betre kjent og knytte kontaktar.
Påmelding:
Vennlegast bekreft di deltaking innan 26. mai ved å melde deg på her. Arrangementa er gratis å delta på.
Kvifor delta?
Grip sjansen til å etablere nye samarbeid på tvers av fagområde og sektorar. Kommunane sine utfordringar kan berre løysast i fellesskap – vi treng ditt bidrag!
Vi håper du har høve til å delta og ser fram til inspirerande og lærerike samlingar saman med deg!
Vidaresend gjerne denne invitasjonen til andre som kan ha interesse av å delta.