100.000 kroner settast av til kompetansehevande tiltak for frisklivssentralane i regi av fylkeskommunen. Dette er viktige og nyttige midlar, som vil inspirere dei tilsette i frisklivssentralane til vidare utvikling.
Vedtaket i kultur- og folkehelseutvalet var einstemmig.
Frisklivssentralar er ei kommunal helseteneste der målet er å fremme fysisk og psykisk helse, samt å førebygge eller avgrense utvikling av sjukdom ved å gi tidleg hjelp. Formålet med ordninga er å stimulere kommunane til etablering og vidare utvikling av frisklivs-, lærings- og meistringstilbod, som bidreg til å fremme helse og livskvalitet, førebygge sjukdom, tidleg intervensjon, og til at brukarane lærer å meistre livet med sjukdom.
Etablering av to nye frisklivssentralar i fylket
I dag er det 12 frisklivssentralar i Møre og Romsdal. Kommunane som har frisklivssentral er Aukra, Aure, Hustadvika, Kristiansund, Molde, Rauma, Smøla, Sula, Surnadal, Vanylven, Volda og Ørsta.
Det er i år gledeleg å kunne gi tilskot til to nyetableringar, i Herøy kommune og Sunndal kommune. Dei får dei høgste tildelingssummane, slik at dei får kome skikkeleg i gang med etablering, og etter kvart kan drifte sentralen sjølv.
Møre og Romsdal fylkeskommune har i 2024 motteke totalt ti søknadar, med ein samla søknadssum på 4.400.600 kroner. Med berre 1.200.000 kroner tilgjengeleg, har berre ein kommune fått tildeling på beløpet dei har søkt på, medan dei andre kommunane får ei avkorting, sjå oversikta nedafor.
Oversikt over fordelinga:
Kommune | Tildeling i kroner |
---|
Herøy kommune | 400 000 |
Hustadvika kommune | 30 000 |
Kristiansund kommune | 65 000 |
Molde kommune | 75 000 |
Rauma kommune | 130 000 |
Smøla kommune | 50 000 |
Sula kommune | 50 000 |
Sunndal kommune | 250 000 |
Surnadal kommune | 50 000 |
Ørsta kommune | 100 000 |
Kompetansehevande tiltak | 100 000 |
Samla tildeling | 1 300 000 |
Saksliste, saksframlegg og møteprotokoll frå møtet i kultur- og folkehelseutvalet 12. mars 2024