Gjennom kurs kan alle vgs-elevar i heile fylke lære korleis dei kan hindre og korleis dei skal handle når dei opplever svindelforsøk.
Terje Aamodt
Dei siste åra har fylkeskommunen køyrt kurs for tilsette og kampanjar for å auke den digitale sikkerheita i organisasjonen. No er det alle elevane i heile fylket sin tur.
- Med dette bidrar vi med god folkeopplysning, samtidig som vi beskyttar vår eigen organisasjon. Så håper vi dei gode råda skal forplante seg inn i tusenvis av heimar i fylket, slik at den digitale beredskapen breier om seg, seier Dagfinn Grønvik, IT-sjef i Møre og Romsdal fylkeskommune.
Kursleksjonane tar blant anna for seg svindelmetodar og korleis du kan forhindre dei, konkrete hendingar og plattformer som ChatGPT og TikTok, som er svært populære blant ungdom.
Kriminelle byter beite
I følgje Grønvik er det er større sjansar for at du blir forsøkt svindla mens du sit med mobilen i handa eller pc-en framfor deg, enn for at tjuvar skal gjere innbrot i stova di. Trusselbildet har endra seg totalt.
- Men enno er mange av oss såpass digitalt naive når vi får tilsendt ukjente lenker, eller beskjed om å oppdatere passord gi frå oss kontonummer eller sende pengar, at lar vi oss lure.
Dagleg opplever organisasjonen at hackarar forsøker å trenge inn i systema i fylkeskommunen på ulike vis.
- For organisasjonen er alle som jobbar her og elevane ein del av det digitale immunforsvaret vårt. At kvar og ein som brukar våre system har kunnskap om korleis dei kan handtere svindelforsøk, vil kunne bidra til å beskytte organisasjonen og spare organisasjonen for store tap.
Kursa er ein del av ein nasjonal kampanje for å styrke digital tryggleik.
Slik kan du beskytte deg mot svindel
Pass på viss nokon ber deg om å
- gi ut personopplysingar
- dele passorda dine
- besøke ein nettstad
- installere eit program eller app på mobilen din
Er sms'en mistenkeleg kan du blokke avsendaren eller sletten meldinga.
Unngå phishing* på sosiale medium og på e-mail. Tenk deg om:
- Er avsendaren kjent?
- Har han sendt deg ei rar melding?
- Blir du oppfordra til å klikke deg inn på ei mistenkeleg lenke?
- Blir du bedt om å handle raskt for å unngå ein krisesituasjon?
Ikkje opne lenka – og slett mailen!
* Forsøk på å manipulere deg til å utføre handlingar/fiske etter informasjon som angriparen kan bruke til å svindle deg.