Eit einstemmig kompetanse- og næringsutval vedtok måndag å løyve 10 millionar kroner frå Marint miljøsikrings- og verdiskapingsfond (MMV-fondet).
Skal bygge kompetanse i fylket
Midlane skal gå til kompetansebygging i forskingsmiljøa i Møre og Romsdal. Aktuelle tiltak er postdoktorstillingar, doktorgradsstipend og forskingsinfrastruktur knytt til kunnskapsbehova i næringslivet.
Bakgrunnen er mellom anna utfordringar med å rekruttere og halde på forskarar over tid. Fylkeskommunedirektøren vurderer at ei slik satsing kan bidra til meir stabil kompetanse og gjere forskingsmiljøa i fylket meir attraktive som samarbeidspartnarar regionalt, nasjonalt og internasjonalt.
I dialog med forskingsmiljøa
Administrasjonen vil no gå i dialog med forskingsmiljø i fylket om relevante prosjekt og satsingar for bruken av midlane. Alle prosjektsatsingane skal behandlast politisk og vert lagt fram for kompetanse- og næringsutvalet for behandling.
Satsinga kjem før MMV-fondet blir avvikla og erstatta av Blå verdiskapingsordning Møre og Romsdal frå 2027.
Saksliste, saksframlegg og møteprotokoll for kompetanse- og næringsutvalet 9. november