Ungdomspanelet: Frå venstre Kasper Dalhaug, Mads Ødegaard Harstad, Lisa Marie Nikolaisen Roald, Magnus Smørdal, Iver Aarebrot, Ida Fjerstad, Linda Mordal, Kristine Hildre Dimmen og Nikola Bileska.
Per-Kristian Bratteng
Det nyvalde ungdomspanelet i Møre og Romsdal har tildelt til saman 125.000 kroner til ni aktivitetstiltak for ungdom rundt om i fylket. Ungdomspanelet var samla til møte sist helg i Molde, og panelet fekk mange gode søknader, fortel leiar Magnus Smørdal:
– I arbeidet med tildeling av ungdomsmidlane såg vi raskt kva søknadar som peikte seg ut. Vi såg etter aktivitetar som engasjerer flest mogleg ungdom, som er opne for alle og som samtidig tilfredsstiller krava. Vi oppmodar alle som har eit spennande prosjekt for ungdom om å søke igjen ved neste tildeling, seier Smørdal.
Fordelinga av ungdomsmidlane vart slik:
Søknad | Kven | Kommune | Tildeling |
---|
Volleyballturnering og strandgrilling | Ungdomsrådet Surnadal | Surnadal | 15 000 |
Kino 17. mai | Kristiansund ungdomsråd | Kristiansund | 4 500 |
Oppgradering av Stormen ungdomsklubb - gamingrom | Smøla ungdomsråd | Smøla | 15 000 |
Kjøp av shuffleboard | Ungdomsrådet Hareid kommune v/leiar Pranaya Selva | Hareid | 20 000 |
Innkjøp av teknisk utstyr for oppstart av podcast | Ul Vidar | Hustadvika | 7 826 |
Rusfritt arrangement «MOT til 1. mai» | Bjørg Jacobsen | Fjord | 15 000 |
Arrangere regional samling 6.-7. april, for barn og unge | Eide Klatreklubb | Hustadvika | 11 000 |
Innkjøp av utstyr til ungdomsklubb | Sunnylven Samfunnshus | Stranda | 15 000 |
SMUD ungdomsklubb - utvide tilboda - projektor, lerret og eit subsoccer bord | SMUD ungdomsklubb | Vestnes | 21 674 |
Sum tildeling | | | 125 000 |
Ungdomspanelet i Møre og Romsdal deler ut 250.000 kroner fordelt på to gongar i året til tiltak for ungdom i heile fylket. Tilskotet blir delt ut til tiltak som skaper engasjement og skal gå til aktivitetar for ungdom i fylket.
Målgruppa for tilskotsordninga er ungdom i Møre og Romsdal som ikkje mottek anna støtte frå fylkeskommunen. Ungdomsmidlane skal gå til tiltak for ungdom mellom 13 og 19 år.
Neste søknadsperiode er 1. november til 1. desember 2024.