Festiviteten i Kristiansund.
Ingvild Dverseth Sæter
Driftstilskota skal bidra til å sikre føreseielege rammer til kulturinstitusjonar med langsiktige mål, som held høgt kunst- og kulturfagleg kvalitet og er viktige aktørar i regionen.
Innstillinga frå fylkeskommunedirektøren til utvalet vart laga med grunnlag i dei regionale planane, som viser mål og retning for utviklingsarbeidet for kulturområdet i fylkeskommunen. Innstillinga fekk einstemmig tilslutning av utvalet.
Kulturfeltet var blant dei hardast ramma av dei innskrenkande covid-19 tiltaka, og det er framleis behov for å bidra inn i kulturfeltet. Driftstilskota vart derfor vidareført på same nivå som i 2023, og med ei prisjustering på 4,5 prosent.
Fordelinga
Her er vedtaket om fordeling av driftstilskot for 2024 til regionale kulturinstitusjonar:
Kulturinstitusjon | Kommune | Driftstilskot |
Operaen i Kristiansund | Kristiansund | 4 595 300 |
Teatret Vårt | Molde | 7 638 429 |
Moldejazz | Molde | 3 103 617 |
Stiftinga Viti | Ålesund | 11 737 176 |
Stiftelsen Nordmøre museum | Kristiansund | 7 424 189 |
Stiftelsen Romsdalsmuseet | Molde | 6 666 707 |
Stiftinga Geirangerfjorden Verdensarv | Stranda | 2 178 167 |
Stiftelsen Atlanterhavsparken | Ålesund | 4 768 126 |
IKA Møre og Romsdal | ÅLesund | 3 602 102 |
Møre og Romsdal kunstsenter | Molde | 2 276 780 |
VOFO - drift | Molde | 368 446 |
VOFO - rammetilskudd til studieorganisasjoner | Molde | 957 960 |
Skjærsgårdstjenesten v/ Sunnmøre Friluftsråd | Ålesund | 766 830 |
Nynorsk kultursentrum | Ørsta | 612 550 |
Sum | | 56 696 379 |
Lenke til saksliste, saksframlegg og møteprotokoll for kultur- og folkehelseutvalet sitt møte 6. februar 2024.