19 kommunar får hoppid.no-avklaringsmidlar

Kompetanse- og næringsutvalet har løyvd til saman tre millionar til å hjelpe nyetablerarar med å avklare berekrafta i forretningsidéen, og kva ein treng for å utvikle dei til suksessfulle bedrifter.

Mann og kvinne. - Klikk for stort bileteHoppid.no-rådgivarane Martin Folldal (Volda) og Inger Synnøve Remme (Ålesund). Fotograf Andreas Winther / Møre og Romsdal fylkeskommune

I det einstemmige vedtaket er det også bestemt fordeling frå dei regionale utviklingsmidlane til hoppid.no-avklaringsmidlar for 2025. 

Fordeling av midlar

Følgjande kommunar har fått tildelt midlar:

  • Averøy: 118.418 kr
  • Fjord: 96.067 kr
  • Giske: 136.249 kr
  • Gjemnes: 97.363 kr
  • Haram: 140.327 kr
  • Herøy: 137.903 kr
  • Hustadvika: 166.300 kr
  • Kristiansund: 237.584 kr
  • Molde: 292.625 kr
  • Rauma: 126.138 kr
  • Sande: 95.612 kr
  • Stranda: 108.083 kr
  • Sunndal: 126.119 kr
  • Sykkylven: 128.895 kr
  • Surnadal: 118.149 kr
  • Ulstein: 136.819 kr
  • Vestnes: 126.433 kr
  • Volda: 151.367 kr
  • Ålesund: 459.549 kr

Nokre kommunar får ikkje

Kommunar som har meir enn 140.000 kroner ståande ubrukt frå tidlegare tildelingar, får ikkje nye midlar i 2025. Dette gjeld Aukra, Aure, Hareid, Tingvoll, Smøla, Sula, Vanylven og Ørsta. Årsaka er at det er viktig at tidlegare tildelte midlar blir nytta før nye midlar blir delt ut.

Bakgrunn og mål

Eit mål for verdiskapingsfylket er å skape fleire og betre nyetableringar. Nystarta selskap bidreg til sysselsetting for seg sjølv og andre, og dei er viktige for verdiskapinga over heile fylket. 

Målet med hoppid.no-midlane er å støtte nyetablerarar i å gjennomføre viktige aktivitetar for å vurdere berekrafta i forretningsidéen. Midlane skal nyttast til enkle, men avgjerande aktivitetar som kan avklare organisering, marknad, lønsemd og andre spørsmål knytt til etableringa. Dette er eit lågterskeltilbod med relativt låge krav til innovasjonshøgde og nyheitsverdi.

Evaluering

Det er også vedtatt at det skal gjennomførast ei ekstern evaluering av effekten av hoppid.no-midlane. Resultata av denne evalueringa skal leggast fram for utvalet om eitt år.

Med denne fordelinga håpar ein å stimulere til fleire og betre nyetableringar i fylket, noko som vil bidra til auka sysselsetting og verdiskaping.

Saksliste, saksframlegg og møteprotokoll for kompetanse- og næringsutvalet 18. mars