Utvalet møttest i Ørsta onsdag og torsdag og vedtok då å gi NTNU 200.000 kroner til Robust Møre. Pengane kjem frå fylkeskommunen sitt tiltaksfond og kan dekke maksimalt 50 prosent av det godkjende kostnadsoverslaget.
NTNU-prosjektet skal undersøke kor godt rusta den maritime næringa i Møre og Romsdal er til å møte framtidige utfordringar og omstillingskrav. Målet er å gi bedrifter og regionale aktørar eit betre kunnskapsgrunnlag for prioritering av tiltak og investeringar knytt til grøn omstilling, beredskap og berekraftig verdiskaping.
NTNU leiar prosjektet saman med Blue Maritime Cluster/ÅKP, Sparebanken Møre, Klinge Rådgivning, Maritime Partner og VARD Group AS. Eit av måla er å utvikle det første Robust Møre-barometeret for maritime verdikjeder.
Møteprotokoll og saksframlegg for kompetanse- og næringsutvalet onsdag 21. oktober