Det nye ungdommens fylkesråd i Møre og Romsdal. Første rekke frå venstre: Sara Hasselø Berg (Molde), Lisa Roald (nestleiar, Giske), Iver Aarebrot (leiar, Haram), Thanura Premakumar (Hareid), Sandra Saengdee Hjelvik (Vestnes). Andre rekke frå venstre: Leni Blank (Aukra), Ida Fjerstad (Kristiansund), Linda Mordal (Hustadvika), Kenni Dogbey (Vestnes), Olivier Karkoszka (Sula). Tredje rekke frå venstre: Paul Roth (Aure), Kasper Dalheim (Volda), Anders Krogset (Molde), Marius Ringstad (Kristiansund).
Jan Ragnvald Eide
Ungdomssenteret får 25.000 kroner til å oppgradere diskotek- og band-/musikkrom.
Leiar av ungdommens fylkesråd, Iver Aarebrot, seier at prosjektet til Sunndal ungdomssenter bidreg til at fleire ungdomar på tvers av nasjonalitetar møtest og skapar gode relasjonar.
– Tildelinga av 125.000 kroner sikrar breie og varierte tilbod for ungdom på tvers av heile fylket. Dette er viktig for å forebygge utanforskap og skape gode og trygge fellesskap, seier Aarebrot.
I søknaden skriv Sunndal ungdomssenter:
«Diskoteket er veldig mye brukt av ungdommene. Både norske og ukrainske, syrere og afghanske ungdommer bruker det. Men vi ser at det trengs sikkelig oppgradering av både lyd og lys. Vi har et band-/musikkrom som er mye brukt. Mange ungdommer som spiller instrument. Rommet er brukt hver dag, både av norske og utenlandske ungdommer. Der er det ganske dårlige instrumenter som vi må bytte ut.»
Her er fordelinga av midlane:
| Tittel | Søkar | Kommune | Tilsagn |
|---|
| Trivselstiltak Bekkevoll ungdomsskole | Bekkevoll ungdomsskole/Elevråd | Molde | 9.000 |
| Ungdomsklubben i Aukra | Ungdomsklubben i Aukra | Aukra | 16.878 |
| CrossNet på uteområde | KFUM Volda Volleyball | Volda | 4.250 |
| Regional ungdomskonferanse | Det umulige prosjektet/UngMulig | Rauma | 15.000 |
| Apparat for uteaktivitet | Ulstein ungdomsskule | Ulstein | 8.500 |
| Basket for alle | Grotta ungdomsklubb | Molde | 25.000 |
| Oppgrader diskotek og band musikk rom | Sunndal Ungdomssenter | Sunndal | 25.000 |
| AirTrack til badeplass | Nedre Sætre Velforeining | Sykkylven | 10.000 |
| Aktivitetskvelder | Elevrådet ved Fræna ungdomsskule | Hustadvika | 11.372 |
| Sum | | | 125.000 |
Ungdommens fylkesråd deler kvart år ut 250.000 kroner til ekstraordinære ungdomsaktivitetar i fylket. Midlane blir fordelt to gonger i året, i april og desember. Målet er å stimulere til ungdomsengasjement og støtte aktivitetar som ikkje får støtte frå det ordinære budsjettet til fylkeskommunen.
Tildeling av ungdomsmidlar er eit viktig tiltak for å sikre at ungdom i Møre og Romsdal har tilgang til varierte og engasjerande aktivitetar, og for å støtte opp om initiativ som kjem frå ungdommen sjølv.
Det kom ved denne tildelinga inn 31 søknadar innan fristen 1. april.