Vedtaket i utvalet var einstemmig.
Tilskotet er meint å sikre realiseringa av to anlegg i Møre og Romsdal, og tilskot i prosjektet går til ein pott som kommunar, idrettslag og foreiningar kan søke frå. Vedtaket føreset deltaking frå andre aktørar.
SKIA har som mål å skape aktivitet for både barn og unge, på tvers av generasjonar, gjennom tilrettelegging for skileik om vinteren og sykling og andre aktivitetar om sommaren. Norges Cykleforbund er også med i prosjektet.
Anlegga skal fortrinnsvis ligge i nærmiljø eller ved eksisterande skianlegg, og det vil bli tilbod om anleggsrådgiving og utlån av utstyr.
Prosjektet er eit samarbeid mellom offentleg, frivillig og privat sektor, og er i tråd med fleire av måla i både regional planstrategi og fylkesplanen.
Trøndelag fylkeskommune har allereie bidratt med 6,2 millionar kroner til anlegg i Trøndelag, og Sparebank 1 SMN støttar prosjektet med midlar til både Trøndelag og Møre og Romsdal.
Vedtaket markerer eit viktig steg for å fremme fysisk aktivitet og folkehelse i regionen, og fylkeskommunedirektøren tilrår at Møre og Romsdal fylkeskommune deltek aktivt i prosjektet framover.
SKIA-prosjektet vil bli utlyst etter ski-VM i Trondheim.
Sakliste, saksframlegg og vedtak frå kultur- og folkehelseutvalet 4. februar 2025