Anders Riise blir gratulert av avtroppande leiar Tomas Iver Hallem.
Thomas Finnøy
Valet skjedde på årsmøtet i Stjørdal fredag. Riise tar over etter fylkesordførar Tomas Iver Hallem i Trøndelag fylkeskommune, som blir nestleiar.
Norskehavsrådet er eit politisk samarbeid mellom fylkeskommunane i Møre og Romsdal, Trøndelag og Nordland, og kommunane Aukra, Kristiansund, Aure, Hitra, Hemne, Stjørdal, Verdal, Vikna, Brønnøy, Alstahaug og Bodø. Rådet vart etablert i mars 2010.
Verdiskaping og sysselsetting
Norskehavsrådet skal bidra til at ressursane i Norskehavet gir størst mogleg verdiskaping og sysselsetting, og at det faglege og politiske samarbeidet styrker rolla som energiregion nasjonalt og internasjonalt.
Sekretariatsfunksjonen går på omgang mellom fylkeskommunane. Når Møre og Romsdal har leiaren, ligg sekretariatsleiinga også her.
Dette er det nye styret
- Anders Riise, Møre og Romsdal fylkeskommune, leiar
- Tomas Iver Hallem, Trøndelag fylkeskommune, nestleiar
- Marianne Dobak Kvensjø, Nordland fylkeskommune
- Siv Aglen, Brønnøy kommune
- Eli Arnstad, Stjørdal kommune
- Kjell Neergaard, Kristiansund kommune
- Marit Liabø Sandvik, Heim kommune