Bygdevekstavtalane blir inngått mellom kommunane og Staten. Hensikta med avtalane er at dei skal bidra til busetting, tilgang på arbeidskraft og næringsutvikling i dei minst sentrale distriktskommunane, skriv Kommunal- og distriktsdepartementet i ei pressemelding.
Ved den siste tildelinga blei det klart at 18 kommunar i fem fylke skal samarbeide om dei nye bygdevekstavtalane. Desse er:
- Trysil, Våler, Åmot, og Engerdal i Innlandet
- Smøla og Aure, i Møre og Romsdal
- Seljord, Kviteseid, Nissedal, Fyresdal, Tokke og Vinje i Telemark
- Kåfjord, Skjervøy, Nordreisa og Kvænangen i Troms
- Solund og Fedje i Vestland
Smøla og Aure fekk i denne tildelinga løyvd to millionar kroner, med moglegheit for fire millionar kroner meir i ein seinare fase.