Signerte avtale: Statssekretær Emil Raaen, fylkesvaraordførar Anne Marie Fiksdal, Møre og Romsdal fylkeskommune, ordførar Henning Torset, Aure kommune og ordførar Svein Roksvåg, Smøla kommune.
Møre og Romsdal fylkeskommune
Avtalen blei underskriven i Aure sentrum 4. juni. Statssekretær Emil Raaen signerte på vegner av regjeringa, fylkesvaraordførar Anne Marie Fiksdal på vegner av Møre og Romsdal fylkeskommune, ordførar Henning Torset for Aure kommune og ordførar Svein Roksvåg for Smøla kommune.
Bygdevekstavtale er eit verkemiddel som skal bidra til busetting, tilgang på kompetent arbeidskraft og framtidsretta næringsutvikling i dei minst sentrale delane av distrikts-Norge. Avtalen skal legge til rette for utviklingsarbeid i kommunane slik at dei kan utnytte lokale og regionale moglegheiter betre. Bygdevekstavtaler er eit pilotarbeid, og det er også med kommunar i Finnmark, Troms, Trøndelag, Innlandet, Telemark og Vestland i denne utprøvinga.
Aure og Smøla har som mål å utvikle attraktive og levande tettstader, med fokus på sosial berekraft, møteplassar og bustadbygging. Dei ønsker også å utvikle nye samarbeidsformer for arealforvaltning og krafttilgang, samt utforske løysningar for betre mobilitet og kvardagslogistikk. Dei har med seg et sterkt lag med blant andre Husbanken, Statsforvaltaren og Distriktssenteret.
Her kan du lese meir om bygdevekstavtalane.