Frå venstre: Knut Roald Ugelstad – byggeleiar i Møre og Romsdal fylkeskommune, Cato Aurstad - driftsdirektør i Aurstad tunnel AS, Torbjørn Vatnehol – prosjektsjef i Møre og Romsdal fylkeskommune og Richard Øyre - prosjektleiar i Aurstad Tunnel AS
Else Britt Ervik
Med ny gang- og sykkelveg mellom Bådalen og Vebenstad blir strekninga tilrettelagt for mjuke trafikantar. Vegen er mellom anna skoleveg for Bådalen friskole.
- Vi ser fram til å kome i gang med bygginga av dette viktige trafikktryggingstiltaket. Saman med entreprenøren skal vi sørge for ei god anleggsgjennomføring seier Torbjørn Vatnehol, prosjektsjef i Møre og Romsdal fylkeskommune.
Etter ei samhandlingsperiode med entreprenøren, vil bygginga starte om lag i midten av april. Prosjektet er planlagt ferdigstilt på seinhausten 2026. Cato Aurstad er driftsdirektør i Aurstad tunnel AS. Han fortel at dei gler seg til å starte arbeidet.
- I midten av april startar vi bygginga av dette viktige prosjektet for Averøy kommune, seier han.
Vi har eit godt samarbeid med byggherre som er fylkeskommunen, og gler oss til å komme i gang med prosjektet.
Dette inneheld prosjektet
Strekninga som får ny gang- og sykkelveg er om lag 1 kilometer lang. Inkludert i prosjektet er ei gangbru over Bådalselva, utbetring av busslommene, og utbetring av kryss.
Samhandlingsmøte blei arrangert tirsdag denne veka. Frå venstre: Ine Charlotte Berentsen – prosjektadministrator og Bjørn Inge Falling – prosjektsjef i Aurstad tunnel AS. Knut Roald Ugelstad – byggeleiar i Møre og Romsdal fylkeskommune og Cato Aurstad - driftsdirektør i Aurstad tunnel AS. Oddbjørn Fleten - kontrollingeniør, Angel Cruz – HMS rådgivar, Torbjørn Vatnehol – prosjektsjef og Sondre Ulleland - avdelingsingeniør. Alle dei fire frå Møre og Romsdal fylkeskommune. Richard Øyre er prosjektleiar, og Jan Frode Farstad er annleggsleiar i Aurstad Tunnel AS.
Else Britt Ervik