Bjørn Tømmerdal tilsett som ny kontrollsjef

Bjørn Tømmerdal privat

Kontrollsjefen har ansvar for å leie kontrollutvalets sekretariat og bistå kontrollutvalet i arbeidet med å sjå til at fylkeskommunen driv forsvarleg og etterlever lover og reglar. Rollen er sentral for å styrke tilliten til forvaltninga og sikre openheit og kvalitet i styringa.

Leiar i kontrollutvalet Fredric Holen Bjørdal er glad for å få Bjørn Tømmerdal med på laget. 

- Tømmerdal har solid kompetanse og erfaring som vil bidra til å utvikle kontrollarbeidet vidare. Med dette får fylkeskommunen ein stødig kontrollsjef, med forståing for samspelet mellom politikk og administrasjon, og stor innsikt i offentleg forvaltning, seier Bjørdal.